|
回憶相片＊記載生活瑣碎
|
|
mohkc
2016-03-04
332
0
|
分享
收藏
| 回憶食評 * 記載生活瑣碎 我們將相片當作回程機票， 沒有相片回憶就會不見了。 攝影對我嚟講係生活嘅必需品，中學時期，倆老買嘅第一部數碼相機開始，就鐘意影相，日日帶住相機四圍去，見到咩食咩都影，都手袋再細都要帶相機，記錄一日點過，放上xanga，相隔一排就出現openrice，正正岩我鐘意寫食嘅朋友。 入到每一間餐廳就好似職業病發作咁，影環境相，今日嚟到瓊華中心，有多間餐廳，我哋就睇中八幡屋涮涮鍋，有刺身放題及火鍋肥牛任食，上到12樓嘅用上用開放式設計，用玻璃牆阻隔升降機口及餐廳，可以直接望到餐廳嘅盡頭，地方闊落設計實用，有好多卡位，可容納多人。 食物放設嘅位置好大，用自助形式方便食客選擇，一邊有蔬菜、丸類、拉麵烏冬，選擇多仲有款丸係熊仔頭樣，將佢放落鍋一定好得意姐！調味料中有打邊爐must have嘅日本芝麻醬，用係點肥牛豬肉都咁好食。 有廚師既燒串燒，我諗如果等唔切打邊爐嘅嘢食熟，就可以先食啲串燒！甜品方面都特別多，有小朋友最愛嘅朱古力噴泉、生果、雪糕，令人花多眼亂，另外有一個大雪櫃載着嘅飲品，啤酒汽水都有。 放題，包括刺身、天婦羅、烤肉串燒、火鍋配料、甜品及飲品，選擇唔同嘅牛肉就作出不同嘅收費，價錢由$188-468，我哋就揀咗中價嘅嚴選黑毛和牛，先喺前台揀好湯底，有八個選擇，有比較清嘅昆布湯、味道自然番茄湯、麻辣地獄湯等，同樣吸引真係考上佢真係恐懼症嘅食客，好彩可選鴛鴦煲，可以有兩個選擇！ 大約6點到餐廳人流咪算多，如果七點前離座可享九折，九點半後入座有八五折添！就算兩個人就搭枱都有膠板做阻隔，食物又唔怕放得混亂，保持一點私人私隱度！ 朋友一見到餐牌有刺身，就嗌住要升級，有生蠔、赤蝦刺身、珍寶帶子，另外海鮮火鍋配料同樣有份，廣島蠔、帶子貝一樣豐富。行完一個圈返嚟，刺身等配料就送上，生蠔用獨立碗裝住，有酸汁及蔥調味，size都幾大鮮味不錯，赤蝦刺身用冰鎮住，保持新鮮，我哋都食得幾滋味。 我哋揀咗呢兩個湯底，壽喜燒及豬骨湯一黑一白幾似太極嘅符號，相隔兩個湯彎曲阻隔，都比較高，唔怕另一邊嘅湯會滾過去，點兩個截然不同唔同嘅味道，令食物變得驚喜！ 因為有新promotion，我哋揀咗$298嚴選黑毛和牛套餐, 就可能享有120分鐘，兩小時放題時間，任食任飲，時間控制方面絕不簡單！我哋已經飢餓到一個程度，店員安排好入座後，就送上火鍋湯底及配料，朋友就喺座位等待湯底滾起，放入配料，我就岀去一邊影相一邊攞嘢食！ 嚴選黑毛和牛 和牛，呢個食材令食客充滿美味幻想，佢嘅飼養方式、品種，都有不同嚴格規定，脂肪肥嫩呈現大理石紋，大約放入鍋3秒就可以，肉質唔膩，但比較薄容易觀察熟悉程度，可以夾埋幾片一齊食，令人更滿足，仲可以不停追加，份量絕不孤寒！ 升級海鮮方面，廣島蠔、帶子貝、中蝦及蜆，第一份嚟嘅份量都幾多！將佢放哂落鍋，可以煮岀個海鮮湯底，鐘意食海鮮嘅朋友，對呢個50蚊嘅升級都稱心滿意。 蝦煮熟後變成橙色，蝦鬚變得彎彎，抵諗啲幫朋友拆肉啦！彈牙肉質啱啱好熟，再配上豉油香蔥蒜頭辣椒，放外惹味。我哋淨係食牛肉同升級海鮮都好足夠！店員嘅招待都唔錯，忙碌中都經常幫我哋加水，再追加牛肉都好快送上，效率都幾高，切合香港人急嘅性格！ 欣賞餐廳供應嘅蔬菜量好多，而且洗得好乾淨，用大大個藤籃裝住，增加日式田園風顆，拎咗油麥菜、白蘿蔔、冬菇上面都戒咗花，響鈴係必食之選！ 有兩個兩位廚師分別烹調各種串燒，有牛舌、雞翼串等，特別鍾意五花腩配京蔥，用黑胡椒調味，脂肪部位燒得好脆，牛舌彈牙美味，不過烹調時有大量好多油煙味，漂到超近座位，如果多作改善就更好啦！最後用黎送啤酒，再同朋友一邊睇吓今日影嘅相，今日就完結啦。 由食物攝影開始，先學構圖，想表達嘅主題，對焦景深，再學習運用各種相機技巧，什麼光圈快門，經常練習好快就上手，慢慢讓我真正愛上攝影。今日跟好友出去影相，因為買咗新相機後，練習下人像攝影，要習慣人與人之間交流，每次效果都好唔同，又可以影唔同景色，所以約朋友一放假就岀去影相，如果我係男仔，其他人一定會以為我係龍友 哈哈！ 不用猶豫到底要點樣影，只要覺得感覺啱，就趕快去按下快門！ 平均消費$370/位，2位，2位嚴選黑毛和牛套餐＋刺身升級 ＊惠顧$298或$468嘅和牛套餐，可能享有120分鐘放題時候 ＊ 凡一天前訂座，均可獲升級至兩小時 八幡屋涮涮鍋 Yahataya Shabu Shabu 星期一至日: 12:00-00:00 旺角彌敦道628號瓊華中心12樓全層 Tel: 2151 9918
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$370.00
| 商店 | 八幡屋涮涮鍋 |