浪慢格局，慢食煮意 SeeWide

朋友話要帶我食好野，咁我緊係唔客氣喇～
開頭以為係普通cafe，但黎到先知係bar，
我去樓上bar既次數真係少之有少，
雖然我唔太好酒，但一場黎到就當見識下。
Winey Bar & Restaurant的相片 - 旺角)

門外以大大既螢光燈牌做招來，驟眼望落去同一般bar差唔多

Winey Bar & Restaurant的相片 - 旺角)

入到去個環境就係餐廳格局，每枱都有個燭光台，而且有難得一見既鋼琴，
成個氣氛非常浪漫，而且有幾個獨立房間，岩晒一班同事/同學聚會。

Winey Bar & Restaurant的相片 - 旺角)

餐牌十分先進，以pad黎顯示，飲品list更係極多選擇，咩酒都有得揀，不過我保守地揀左鮮果乳酪
而食物方面都有幾款晚餐選擇，店員推薦我地食一個新菜式，所以唔係餐牌入面，最後我地都有嗌～

油封血鴨脾，配搭藜麥做伴菜，血鴨脾以70度既油黎煮，再加上雞汁調味，
藜麥雖然係穀物既一類，但我都係第一次食到，形狀似小米，
口感似切碎左既米，可以取代米飯，而且容易消化。

而血鴨脾睇落幾油膩，但肉質口感都好幼嫩，食落唔會覺得太油，
而雞汁同鴨脾都幾相配，鴨既脂香更加令個味提升，愈食愈惹味！
可惜份量唔多，兩個人食完唔太夠飽呢><

藍莓鮮果乳酪，利用鮮藍莓打汁再加乳酪，飲落酸酸甜甜，會飲到藍莓既果粒，
好彩乳酪本身飲落會飽肚，口感杰杰地又酸甜幾開胃。

士多啤梨鮮果乳酪，朋友同我一樣嗌左乳酪，不過係士多啤梨味，
但佢依杯口感較泡沫，士多啤梨既味道唔太出，都係我果杯好飲啲xp

============================================

感謝 chickenandpp 提供以上資料

============================================

~END~

人均 $230.00

商店	Winey Bar & Restaurant (前身為Nice Bar & Restaurant)


(0)	(0)	(0)