元朗食街又一選擇 SeeWide

呢一條街道食店林立，唔講真係唔知開左間京菜，近日見佢派下傳單，又有位姐姐帶下位，一於同阿媽黎試一試佢呢間樓上舖先。
京滬村的相片 - 元朗)

被安排在廚房對出的一張四人枱，位置幾濶落，廚房睇落都好乾淨。
京滬村的相片 - 元朗)

先送上前菜，要收十蚊的，個雲耳幾爽口，帶少少酸，作為開胃菜不錯。
京滬村的相片 - 元朗)

回鍋肉 $68
點了一客回鍋肉，炒得夠鑊氣，辣而不灼喉，十分惹味。椰菜爽脆，肉片肥美，好好下飯呀～
京滬村的相片 - 元朗)

鎮江肴肉 $68
阿媽話呢個要好多功夫，做得唔好會硬實實，呢度唔錯咁喎，晶瑩剔透，肉凍同瘦肉比例平衡，入口有汁又有咬口，唔點醋都已經好正。
京滬村的相片 - 元朗)

重慶口水雞 $78
另一樣叫左好鍾意食嘅口水雞，嘩，好辣！真心辣！！雞件好嫩滑，個辣汁辣得黎好香又帶點麻，越食越上引，好味道阿媽打包左個辣汁佢話留返聽日炒菜喎。
京滬村的相片 - 元朗)

炸銀絲卷 $16
仲食左銀絲卷，外面炸得香脆，入面一絲一絲軟綿又有口感，點左回鍋肉個辣汁食，太正了，但太辣後又點左煉奶，哈哈，又甜又辣。
京滬村的相片 - 元朗)

京滬黑椒三蔥包 $42
牛肉包食得多，食下三蔥包先，剛剛煎出黎好燙口，咬開好多肉汁，勁熱！仲好勁黑椒味，豬肉混入左大蔥，洋蔥同咩蔥呢？！唔太食得出，總知就係好味啦。
京滬村的相片 - 元朗)

埋單一人唔使二百蚊，飽到爆開了。

============================================

感謝 yuchiro 提供以上資料

============================================

~END~

人均 $170.00

商店

京滬村


(0)	(0)	(0)