旺角可算係一個美食匯聚既地方，想食什麼便有什麼好，就想好好嘆杯咖啡，都有不少選擇。與他走進這間近廣華醫院的轉角咖啡店，樓底高，坐位不會太迫，還配上光猛的落地玻璃，喜歡的更可選擇坐在高身椅上自成一角，望著街景何其寫意呢！

(喜歡的，請按讚支持，是給我很大的鼓勵啊 )  

 

Connie's Food and Life Corner

   

店子的外觀感覺型格，以藍色水滴圖案作為店子Logo，相當易認。裡頭的裝潢簡約，沒有過多的裝飾，?人感覺舒服。但由於店內客人不少，所以都不便周圍影相，有點可惜。

(其實係香港想搵間少人既餐廳係好難，所以都不便周圍影，每次去到裝潢靚既餐廳無得盡情影相，有時仲要比人白眼，可惜之餘仲覺得無奈。)

近收銀處旁的坐位上那盞吊燈感覺很美呢！

餐牌上與一般Cafe一樣以輕食為主，有全日早餐、意粉、甜品、湯和咖啡等，算係多選擇，包括好評如潮的芝士撻。

花生咖啡 $54

試過去其他店子飲花生咖啡，都只在上面放了花生碎，當然不是小妹想要的味道。而這裡的係真的將花生同咖啡混合了，飲落順滑的咖啡中帶有陣陣突出的花生香，感覺特別，可以一試。

棉花糖咖啡 $54

這咖啡上面放了數粒不同顏色的棉花糖，帶點可愛感。而且這裡的咖啡係偏向較苦路線，加埋上面的棉花糖後中和返咖啡的苦味，感覺剛剛好。

芝士流心炸雞手指 $68

初時以為係普通炸雞肉條，咬落去原來中間係半溶芝士呢！呢個組合其實可以叫做無得輸，而且炸粉頗薄，食落惹味，不過凍左既話就會失色，所以要襯熱食啊。

黑松露蘑菇飯 $98

入面加了好多蘑菇片，菇的味道突明顯，反而黑松露的味道相對較薄弱，而且飯質腍左少少，還有收汁不夠，整個飯的的口感較濕。

三重芝士漢堡 $138

漢包的材料有離不開的蕃茄片、生菜、青瓜片等；裡頭仲夾左塊近2cm厚的牛肉漢堡和大量芝士醬，身為芝迷的小妹，真係睇到好心動。

不過食落牛味和芝士味無想像中重，話明三重芝士，芝士味卻不太濃郁，令小妹有點失望；牛肉食落尚算鬆化多汁，就係牛味夠明顯，整體味道屬一般。

忌廉芝士撻 $28 及紫薯芝士撻 $28

其實叫芝士酥會比較週合，兩者既味道都頗出色，芝士撻有流心又好香。紫薯撻食落好重蕃薯味，有時仲會咬到粒粒蕃薯粒，酥皮夠酥脆又有好香牛油味，好食啊。

Coffee Jobs

地址: 旺角廣華街3號百利達廣場地下3號舖

(港鐵油麻地站 A2 出口, 步行約7分鐘)

電話: 9655 3519 / 5411 9693

營業時間:

星期一至五: 11:00-00:00

星期六及日: 09:00-00:00

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================