食得既藝術畫!!
|
![]() |
ooonly4food
2016-03-10
688
1
|
分享
收藏
以前已經好想去銅鑼灣食! 但拖下拖下一直未有機會! 今次約埋成班朋友係TST K11食到勁開心! 始終多D人可以ORDER多D食物SHARE食! 餐廳設計簡約,空間感大, 大約中午12點半都爆埸啦! 飲品方面,我簡左草莓爆谷茶 (HK$ 40) 本身以為佢地只係有爆谷既香味, 但原來真係有爆谷粒係裡面, 一打開個蓋就聞到啦, 不過飲落去就比較重草莓味 兩款食物都色彩繽紛, 真係好似食得既藝術畫!! Appetizer Platter(hk$250) 有紅菜頭三文魚、羅馬生菜沙律、布拉塔芝士! 三文魚由橙色變成紅色就係因為用左紅菜頭醃過! 另外,哩個沙律當中仲有燒娃娃菜、腰果、 風乾火腿脆片、底下有好多藜麥添, 主要醬汁係花生醬,味道香濃,跟整個沙律意外地夾! 而藜麥加左D黑醋蜜糖汁,而且藜麥高纖維又健康, 我都好鍾意!整體口感好豐富!!! Signature (HK$ 598) for兩位食用!如果for3位就要加多HK$250 , 當中包括海膽X4、生蠔X2、紅菜頭三文魚X6、蟶子X2、 鵝肝凍批X2、象拔蚌X2、帶子X2、蟹肉X2,每樣食材都好新鮮, 另外三文魚加埋青瓜薄片食,好夾又爽口! 生蠔啊!師傅將水加落乾冰上, 即刻好多煙霧漂出黎,好有迷幻feel! 每個生蠔上都有塊花瓣加珠珠, 貪得意就咁咬左粒珠黎食, 食到D士多啤梨味, 以往我食生蠔係加勁多檸檬汁因為好怕腥, 而哩到既生蠔都好新鮮,唔加檸檬汁都無問題! 爆谷玉米蟹肉粥(HK$148) 即係粟米蓉加蟹肉煮成既稀飯, 未食已經聞到香甜味,口感帶小小濕潤, 再加上鹹爆谷幾特別! 同時又可以增加口感! 甜菜頭小甘荀檸檬忌廉芝士意大利飯(HK$138) 哩道飯好岩素食人士享用,當中加左迷你甘荀,黃色甜菜頭, 另外用紅菜頭汁煮成既意大利飯,整體感覺清清地! 而意大利飯煮得岩岩好,好有咬口!
感謝 ooonly4food 提供以上資料 ooonly4food 的網誌: http://www.openrice.com/zh/gourmet/reviews.htm?userid=58582367&city=hongkong
|
~END~
商店 | ATUM Restaurant (尖沙咀店) |