希慎又一新選擇 SeeWide

行完街又係時候揾食，food court勁多人又無乜想食，再上去餐廳樓層睇下，阿媽話呢間中菜望落新潮好似唔錯，就食呢間喎。
名館的相片 - 銅鑼灣)

波波燈幾cute呀～
名館的相片 - 銅鑼灣)

簡潔餐具，仲有蕎麥茶飲，又香又健康。
名館的相片 - 銅鑼灣)

估唔到晚市都有點心叫，晏晝飲茶食唔到馬拉糕黎呢度叫先，一客好大個無諗個係成個上，咁又好抵食喎，糕蒸得鬆軟，甜度適中帶香味，而且無被水蒸氣整濕，好食過茶樓好多！
名館的相片 - 銅鑼灣)

再叫左籠小籠包，一客五顆。
名館的相片 - 銅鑼灣)

皮薄帶韌力，內裏勁多湯汁，肉鮮且滑，好食到無咩好挑剔了。唯一有點不滿係個醋囉，無薑絲嘅……
名館的相片 - 銅鑼灣)

另叫了燉湯，試下大力堆介嘅黑蒜燉響螺先。
名館的相片 - 銅鑼灣)

一個湯份量都幾多，夠哂兩個人飲。湯清但十分足料，除左黑蒜同響螺外，仲有雞，瘦肉，無花果等，好清甜，飲到啖啖蒜味，無諗過黑蒜煲湯咁好飲。原盅燉湯睇黎無花無假，唔係一大煲煲起再分小碗呢，飲得出原汁原味，呢個一定要encore。
名館的相片 - 銅鑼灣)

點一客菜平衡下，金菇蒸勝瓜，看似平凡但又係好好味喎，最正係啲蒜頭！！炒香過而且好鮮甜，加埋落去一齊蒸，即刻另成碟菜鮮甜哂，一啲都唔寡。
名館的相片 - 銅鑼灣)

點都要整個飯飽肚嘅，點左鮮蝦紅白米炒飯，感覺健康啲嘛。飯炒得香口，粒粒米有飯香又有嚼勁，好好味，一啲都唔油膩。
名館的相片 - 銅鑼灣)

等左好耐先黎嘅露筍炒西班牙火腿，一度而為漏左單，哈哈，諗多左了。露筍鮮嫩多汁，咬落帶清香，火腿咸香，有啲似炒臘味呢，好食。
名館的相片 - 銅鑼灣)

阿媽意猶未盡話要去食甜品，我見呢度都有甜品叫，不如係度食埋算啦，廢事行黎行去。叫了呢款鮮果拿破崙酥，嘩嘩，好大個！！有三層厚，仲係勁多creamy，生果等。酥皮鬆脆帶牛油香，整體甜美好好味呀～但咁大份兩個人食真係好膩，起碼要四個人share先食得哂，哈哈，好飽好飽。
名館的相片 - 銅鑼灣)

埋單，飽到爆開，抵食！

============================================

感謝 yuchiro 提供以上資料

============================================

~END~

人均 $225.00

商店

名館


(0)	(0)	(0)