Lunch Buffet。The Peninsula(The Verandah)
|
|
Yanomi
2016-03-15
754
0
|
分享
收藏
3月8日(星期二)~我們的''相識及水晶婚紀念日" 因為聽日早機..快閃大馬~老闆話唔想攪到咁趕 又夜返又收拾..又要梳洗瞓覺~咁安排下午同佢慶祝囉 揀去"半島酒店 - The Verandah"(lunch buffet:12:00-14:30~價錢:$468/位) 食物款式..視乎自己岩唔岩食! 都係一般大路國際性食物 日式,西式,中式,印泰式,燒牛&羊架,麵包/沙律,甜品等等 留意到餐廳部份熱葷..會用飽歷日子既staub廚具 想像由全新用到陳年既感覺~都應該好長年資呢 通常buffet食量唔多~但鐘意環境舒適度~加上食物選擇性 迎合到我同老闆各人喜好~而時間又可以坐得夠耐呢 日式食物..整體都精緻~壽司飯握得夠實..味道好唔錯 刺身類新鮮~原隻鮑魚燜得入味..口感唔硬剛好又有咬口 冷盤類..仲有好多hams~但無食到! 試左依幾款 翡翠螺依家唔算鐘意食..味道普遍! 其他無特別 沙律菜新鮮款式都有幾種~調味沙律都有幾款..味道ok 法包唔係硬脆皮口感~比較薄韌帶鹹香..有拉扯感 "菇凍"幾得意..味道較清淡,菇味唔濃 吞拿魚就無乜特別感 燒蔬果&薯仔~無加入太多調味..味道少鹹帶清新 扇貝個汁一般~唔係咖哩..又唔係濃濃既葡汁味 魚柳反而有焦香..魚肉唔鞋口 印度飯及咖哩~前款咖哩香料味好重帶鞋口微苦 另一款..如果係瑪莎拉的話又唔濃郁~咖哩味都淡 印度飯過乾..有d係乾到硬+起焦 有兩款湯..老闆兩款都試過晒 依款係薯仔湯~見佢每款飲1碗..應該唔好味 因為如果好味果d湯類~佢起碼會飲3-4碗 甜品試左好少~朱古力mousse & 芒果布甸~個人覺得超甜漏 所以其他蛋糕類都無試~macaron比預期無咁甜~口感脆鬆 雪糕類約有5款~試2款sorbet..超甜到接受唔到 最後..拼個生果盆同老闆一齊食 經理好細心~即刻送2隻小碟比我地用 餐飲..我要熱咖啡~老闆要熱檸茶 無想像到半島都會用凍奶而唔係熱奶(雖然我唔落奶..但會想知呢) 整體服務非常細心..會遠遠關顧每檯食客所有需要 食物方面岩食既選擇比較少~水準較為普通(總消費 : $1030)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
人均
$468.00
商店 | 露台餐廳 (香港半島酒店尖沙咀店) |