|
築地番本日式放題
|
|
味之素
2016-03-17
882
10
|
分享
收藏
又是每月一餐的時候,可惜田會長病左,來唔到呀,take care!揀左去食放題,呢間都幾特別,賣點是有蒸氣海鮮食,一於試下先,book了3位,每位$208+10%,任食兩小時。
裝潢冇乜特別,同平時日式放題店子差唔多,滿是密密麻麻的枱椅,坐得有點擠迫。
賣點是蒸氣火鍋。
食物有前菜、刺身、卷物、壽司、日本料理、燒物、天婦羅、拉麵及酒等,蠻多選擇。
主點是呢個蒸氣火鍋,食物選擇有海鮮,蠻吸引呀。
自助飲品位置。
好耐冇飲過楊協成呀。
先來一盤刺身,有三文魚、甜蝦、希靈魚及北海道帶子,刺身尚算新鮮,甜蝦好大隻,味道鮮甜,可encore呀。
海膽豆腐,豆腐正常水準,海膽唔多新鮮,太苦了。
和風牛肉粒,牛肉粒口感軟腍,牛肉味濃,好惹味呀。
牛油蒜香炒帶子,份量好多,不過冇乜味。
日式清酒煮蜆,都幾多蜆肉,少量酒味,正常水準呀。
鹽燒黑豚肉串,味道香口,不過口感比較硬。
汁燒翠玉瓜串,口感爽脆多汁,不俗呀。
鹽燒牛舌,胡椒味濃,太乾了。
黃金焗蠔,是細粒的蠔,芝士沙律醬好惹味呀。
太子醬焗帆立貝,太子醬份量好多,少許鮮味呀。
大根煮牛腩,牛腩鬆化軟腍,白蘿蔔夠入味,不俗呀。
牛油炒雜菌,唔太有牛油味,普通呀。
虎蝦及茄子天婦羅,唔油膩不過唔太脆,冇乜味呀。
紫心香芋丸,外脆內軟,入面有豐富的香芋泥,都 好味呀。
一口芝士豆腐,賣相似魚片,入面是豆腐,口感軟腍,冇乜芝士味呀。
芝士春卷 ,口感香脆,入面是煙韌的芝士餡,味道不俗呀。
牛油炒粟米,本身鍾意食粟米,味道普通呀。
係時候試下蒸氣火鍋呀,先試少少食物先。
擺好之後蓋上好似草帽的蓋,不過唔知蒸幾耐,只係憑感覺好了。
用蒸的方法健康好多,而且保持原味,海鮮味道鮮甜,好味呀,豚肉片口感鬆化,小棠菜夠軟腍同甜甜地,味道不俗呢,即食多一轉。
飲品上有埋酒類揀都幾抵,有梅酒、啤酒及清酒,要了梅酒,不過梅味淡又甜呀。
3.6牛奶布甸,口感係實,牛奶淡左點,果凍正常水準。
仲有放題必有的雀巢雪糕及雪米糍,不過太飽了。
放題食物都幾多選擇,加上賣點蒸氣火鍋又多一款食法冇咁單一,飲品上有埋酒飲,食得盡興呢,都幾抵食呀。
旺角通菜街1A-J號威達商業大廈Deli 2 一樓B室
|
~END~
| 商店 | 築地番本日式放題 |