又有新搞作 SeeWide

自從轉左黎呢頭返工，係Megabox揾食已是常事，星期五晚約左friend睇戲，睇之前就填飽肚先。本來諗住食foodcourt，但見日和号堆出左新野，一個二人餐有得打邊爐又有得燒烤，重要係蕃茄濃湯同芝士，好似好正咁，轉場黎食佢先。
日和号壽司料理的相片 - 九龍灣)

枱上有茶壺，唔使成日叫斟水。
日和号壽司料理的相片 - 九龍灣)

先叫左個三文魚青蘋果沙律，食多啲菜自我感覺良好。沙律用的係日式沙律醋，甜甜酸酸，三文魚肥美，蔬菜爽脆清新，青蘋果好酸啊，更開胃了，哈哈。一客意外地大盤，兩個人食到好幾碗。
日和号壽司料理的相片 - 九龍灣)

火鍋ready了，蕃茄濃湯，正！芝士醬同芝士碎，正！開頭奇怪點解二人餐得一碗飯，食到尾就知有幾邪惡，肥死都抵。
日和号壽司料理的相片 - 九龍灣)

有牛肉，牛仔骨，雞肉，蝦，青口，帆立貝，蔬菜，粟米，薯角等，都幾多喎～
日和号壽司料理的相片 - 九龍灣)

開波～燒燒燒，芝士汁薯角同粟米呀，好香好正！
日和号壽司料理的相片 - 九龍灣)

先燒個牛同雞，肉嫩味美，個鐵板都好傳熱好快熟喎。
日和号壽司料理的相片 - 九龍灣)

再黎海鮮，個調味重手左啲蓋過鮮味，但尚算新鮮，燒起個size都唔係好縮水。
日和号壽司料理的相片 - 九龍灣)

邪惡黎啦，我地掉哂蔬菜落去打邊爐，吸哂啲湯汁就知個湯真係勁濃蕃茄味，跟住落芝士碎，融到咁上下再加入白飯，攪下攪下，噠噠，食得。芝士同飯黏埋一齊，又香又綿，加上酸酸甜甜嘅蕃茄湯，好好味呀，一碗白飯煲起上黎原來有成盤，兩個人係無可能食得哂嘅。

好味好飽，間中一次半次好啦，好邪惡呀～

============================================

感謝 yuchiro 提供以上資料

============================================

~END~

人均 $160.00

商店

日和号壽司料理


(0)	(0)	(0)