同學齊齊GO︰維園年宵 + 布甸狗CAFE
|
|
3BMaMa
2016-02-05
712
0
|
分享
收藏
上年冇時間帶野人去維園年宵 搞到呢個虎家傳統斷咗一年。。。 今年堅決點都要就到個時間去維園行一行個年宵!!!!!! 估唔到就到自家去嘅時間之餘 仲可以就埋同學仔時間一齊去,非常好 :) 未試過一行咁多人一齊去年宵,好開心。。。 一班人。周圍去搗亂 XD 呢個「掟我」攤位,簡直係全場重點 + 亮點!!!!呵呵呵呵 近期天氣經常都天陰陰 + 凍冰冰 行維園年宵呢日竟然異常好天、直頭係好曬 曬到殺我地一個措手不及,因為熱到傻!!!!! 弟弟直頭熱到無唒心機 (有D相佢都冇心機入鏡。。。) 本來想買呢個사랑해요牌,可惜冇大塊版本ㅠㅠ 熱到咁,要飲飲嘢「降溫」!!!!! 飲嘢、食嘢後,弟弟有番心情 (呢個少爺仔,完全唔抵得熱!!-__-) 行完個年宵,一行N咁多人去食個得得意意「布甸狗」飯 XD 其實我地一行人,冇個LIKE「布甸狗」,哈哈哈哈 不過冇所謂啦,同小朋友一齊,都係貪得意 同埋滿足下我地呢班父母同仔女狂影相嘅「慾望」XD 一般呢類主題餐廳,對食物嘅好味程度當然要求唔可以咁高 而呢間「布甸狗」嘅菜式,味道都OK 起碼好過年多前喺APM嘅KUMAMON CAFE (現在已結業 XD) 後記 : 每年行年宵,野人都會買氫氣球 今年佢地自己話唔想買 (大個仔咗?!又一個時代嘅終結?!) 年廿八,兩隻嘢跟我去旺角年宵買花 選擇買風車。。。 究竟放棄買氫氣球而買風車,係成熟咗定低能?!?!?哈哈
感謝 3BMaMa 提供以上資料 3BMaMa的網誌: http://www.bbbmama.blogspot.hk/
|
~END~
商店 | Pompompurin Cafe |