最近途經天后，都會可見一條人龍，雖然不是水蛇春咁長，不過天后並不是大旺區，有餐廳竟然要排隊，真的要探探虛實。

這間101肉燥專門店主打台式簡餐，裝潢明亮簡潔，一人套餐六十多元，有一碟肉燥飯或肉燥新竹米，另跟主食如豬軟骨、雞翼、豬扒、巴東牛肉等，還可選一款小食如盬酥雞等，仲要包埋一杯台式特飲同免加一，難怪未夠六點已經開始要排隊啦～

是日點了豬頸肉燥新竹米、巴東牛肉肉燥飯，食物份量和水準都不俗，推介花枝丸，炸得夠香脆可口，不過巴東牛肉味道OK但有點似回鑊肉，杯特飲超大杯，慢慢坐下飲下傾下真係有排飲，是日一家埋單$178，好飽呀！