|
比較合理
|
|
愛食
2016-03-22
408
0
|
分享
收藏
| 前日(20-3-2016 Sun) 晏晝,女友人EL由香港仔走o黎探我,我諗住請佢食飯,於是拉佢同我老公一齊落街食晏,lunch time,間間都多人,但唯獨是呢間冇人等位,見價錢合理,於是我o地試呢間. 入到去,經理俾張四人枱我o地,我眼見有張卡位o岩o岩執o緊,於是問可唔可以坐卡位?佢答有人訂o左.啊. 但我又見有半卡位o既,於是又問可唔可以調?個女仔話問問先,問完話可以.於是調位lu. 咁我o地揀o野食啦,要o左3個set lunch, EL要$108.00o既香辣番茄螺絲粉配煙肉及洋蔥,老公要$138.00o既烤燒美國豬扒配燒薯雜菜蜜糖芥末汁, 我要$108.00o既忌廉汁意大利麵配火腿及雜菌. 湯方面,我o地要o左一個是日餐湯,兩個凱撒沙律share食. 冇耐,兩個凱撒沙律到來, 奇怪一碟多啲一碟小啲.影好相就食,我覺得呢o度o既凱撒沙律味道淡啲. 味道: 3分 然後在3條餅乾,而是日餐湯係意大利菜湯, 見到有紅蘿蔔,同洋蔥西芹,呢個飲落冇羅宋湯咁酸,呢個舒服啲.不過太少喇. 味道: 3分 然後香辣番茄螺絲粉配煙肉及洋蔥到o黎, 份量唔多,呢個酸酸辣辣,不過唔會太辣,幾好o既. 味道: 3分 之後到烤燒美國豬扒配燒薯雜菜蜜糖芥末汁, 豬扒幾厚,肉質鬆軟,依o家至記得係菜蜜糖芥末汁,唔覺得有菜芥末囉,只係覺得個汁OK,不過太少. 味道: 2.8分 最後係忌廉汁意大利麵配火腿及雜菌, 忌廉汁唔夠多,雜菌就幾多而且味道好夠,呢個都OK o既. 味道: 2.8分 最後叫餐飲,老公同EL要熱檸水,我要熱奶茶,呢啲全部係俾一壺壺自己整,我只係加好少淡奶同半包糖,茶味都係唔夠. 味道: 2.8分 服務: 係俾位o個o度有啲問題,呢間都冇人o係出面等位,我o地三個人,一人有一個袋,冇卡位都算,但都唔俾半卡位,要迫埋去啲幾人枱o度,我o地全程食都唔見full,走o既時候亦都冇人等位. 除o左呢點,其他都冇問題. 價錢: EL搶住俾錢,我估有加一,即係共$389.40.
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$129.80
| 商店 | Bene Italian |