|
花卉般 * 鮮味盛放
|
|
mohkc
2016-03-24
581
0
|
分享
收藏
| 三月份，初春 係鮮花盛開嘅季節，郊區都市都唔難見到花朵蹤影，周邊商品都圍繞著花作設計靈感，食物衣著都有花兒嘅圖案氣味。今日所介紹的不是花，但它也會像花朵一樣，有節氣之分，店家還將它們盛開的景象搬到大家眼前！ 7:30嚟到餐廳，已經有一半食客坐滿，因為事先訂咗枱，店員好快就安排好位置，枱上有溫水幫助解渴，今日帶點微微細雨，急著走路都比較狼狽，幸好餐廳唔算難搵，沿著黃埔道走就到，如果搭海過巴士嚟，喺紅磡民泰街站落車就係對面！ 門口有魚兒遊影〜 一行行嘅餐枱可算十分實用，亦保留空間比其他食客經過，感覺唔會太侷促，而顏色方面就用上淺啡色木餐枱及坐位，牆上就用清晰的白色，其中有一兩條鮮紅色魚兒，令牆壁多了一份觀賞的感覺。門口另外一邊設有獨立房間，可供4-8位用，設有最低消費。 今日就係食九重鮮，九層塔上有滿滿嘅海鮮，逐層逐層慢慢揭開，十分驚喜！同行嘅係喺我由細到大嘅鋼琴老師，佢移居法國居住，今個月返嚟香港兩個禮拜探朋友，身為學生嘅梗係要請老師食返餐好嘢！ 所有明日之花朵，都是今日的種子。 同樣用得上在海鮮上，今日見到貝殼類海產，都有着不同生長方法，在成熟時變成不同嘅形態。 筷子、匙羹及一支竹籤，令人呼之欲出一定有海螺 嘿嘿，仲有店員一一介紹，用來調味嘅韓式辣椒醬、柚子醬油和豉油，你第一樣選擇鍋底的粥品，我就選擇韓式豬手湯，亦有羊肉魚湯、韓式泡菜湯及芝士脆米湯，海鮮塔就分了不同價錢，列出內有不同海鮮，方便食客選擇， 多款新鮮海鮮，見到咁豐富，就話法國有錢都無得食！因為超級市場買嘅都係凍肉，急凍海鮮肉類居多，所以返香港一定要食海鮮！而蒸氣鍋就可以食到原汁原味，因為餐廳嘅爐火釋放出蒸氣，食材新鮮不經調味，逐層逐層食得特別滿足，真是一個好發明。 漏斗會倒數時間，加入七分鐘之內食完一層就唔怕下層會過熟！ 不知為何蟶子特別吸引我，清甜彈牙滋味不斷，我一隻如果吃錯應該係大蚌，因為切開了不太認得，而鮮熟程度就剛剛好，因為鍋內達至一定溫度，食客就可以馬上動動筷子，準備好迎接海鮮，所以火爐一定唔會過時。 海蝦及元貝經常為我家嘅座上客，我也經常帶“他們”到燒烤，因為兩者都有外殼包圍，非常容易處理及攜帶，經過今次嘅體驗，無可否認用蒸煮方法，去煮海鮮保留住最好嘅鮮味！ 只有新鮮蝦肉，拆開時才不會黐住外殼，帶著誘人鮮橙色，咬落非常有彈性。元貝就好大粒，外殼載起了不少鮮汁，可以像湯一樣喝下，令人更覺得有點奢侈。 係香港食新鮮嘅北寄貝真係好少有，對上一次係九重鮮食到！生北寄貝顏色不太特別，但煮熟後，就會呈現透紅色，睇一啲昆蟲大自然節目時，講到有毒嘅花朵或生物，如果愈靚嘅顏色就代表愈有毒，放心說法不在北寄貝中，而花尾龍躉魚肉厚身令我滿足，但相比起其他海鮮就不算得出，有點失色。 沙巴肉蟹 象拔蚌 驚喜陸續有嚟!! 一打開就有大隻肉蟹一隻，已經切好一半，食起上嚟都好方便，加上裹面有好多蟹膏，溜岀嚟咁〜象拔蚌咬開好似小籠包咁多汁, 又鮮味。 每月有花卉博覽會，喜愛欣賞的人都會到場拍攝一下，對新手然而，就留意到網上有專欄介紹攝影技巧，看到幾點十分認同，在此分享一下，第一、找一個對焦主角背景不要雜亂，越想表達得多，相片感覺就唔集中！ 經過上述一輪嘅美食，可能食得比較滋柔，各種蜆肉已經有點過熟，建議可將“他們”調換到較上層喔！ 鮑魚、海螺、番薯、南瓜、粟米 到最後一層，畫面依然豐富，回顧一下都感覺有點誇張，兩個女孩竟然吃下那麼多，好比男子嘅胃口。先講講蔬菜，全都由日本進口，番薯有番薯味，南瓜有南瓜味就一定啦 哈哈，店家安排最後有蔬菜，真的聰明，好讓令食客緩和一下，期待最底的靚粥，未打開該都唔知係咩樣？ 鮑魚及海螺外殼比較厚，可以放到最低一層，鮑魚十分有咬口，要問問店員攞剪刀才可以解決，厚肉得教人滿足，海螺味道比較淡，可以伴一些辣椒醬，令味道更突出！ 最後豬腳蜆肉蘿蔔粥 強力蒸氣，經過多款海鮮後，回流到最底層，變成粥品，有千萬鮮味，特別讚揚豬腳處理得很好，將他皮膚上嘅毛都清走，豬肉又唔會好重腥味，用叉子輕易就分開豬骨同充滿骨膠原嘅外皮，最後也吃清了！ 店家特意設計一個比較高身，容量較多的盒子，好讓食客將鮮味帶回家！ 我個碗就放咗係雪櫃，相隔一夜就被失蹤了 哈哈 用手拆開咗蟹蝦等海鮮，餐廳都設計一個角落有洗手盆，食完可以馬上洗手，十分方便食客！ 平均消費$450/位, 2位, 2杯飲品+海鮮搭$398位 九重鮮 Steam Fresh 星期一至日: 12:00-15:30; 18:00-23:00 紅磡黃埔花園11期地下G26號Tel: 23210188 分店：大坑
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$450.00
| 商店 | 九重鮮 (紅磡店) |