|
・ღ 瘋狂拉絲部隊鍋 ♥ 三清洞摩西 ღ・ﾟ
|
|
Kawai
2016-03-28
660
0
|
分享
收藏
| 以年糕鍋起家的三清洞摩西，在銅鑼灣開了分店，
今晚我同哈韓芝士狂友人來此開餐，入座時間未夠七點，但七點後就開始要等位了！ 落單是每人各叫一個年糕鍋湯底，可以選不同口味但會撈埋一鍋上， 主食可韓式揀粉絲，即食麵，烏冬，拉麵等（各加25元）， 再加年糕，炸餃子及韓式紫菜卷等配料！ 餐牌簡潔，午市人均更便宜，大概只需百元左右。 每枱都放上Gas 爐 可能今日係Happy Thusday, 所以都幾爆場，呢個係二人份嚟！ 我地就揀左芝士加部隊鍋，另加了豬肉餃子，魚餅及紫菜卷， 上枱都幾大鑊，以差不多十寸的鍋子盛載著年糕鍋呀！如果人多個鍋會再大啲！ 因為加左芝士，可以瘋狂拉絲，好邪惡！ 部隊鍋是一堆沒有營養的食物炒埋一碟，所以好味與否明顯就在醬汁那裡， 這店特製的醬汁味道甜甜辣辣好惹味，令到本來不甚好吃的配料都變了天。 豬肉餃子浸了醬汁，甜甜辣辣比想像中好吃。 另加的韓式紫菜卷，炸得金黄的外表，令人垂涎三尺。 開邊的紫菜卷包著粉絲，不過入口時是冷冰冰的，外皮亦不夠脆身， 點部隊鍋吃還好，單食的話實在搞唔掂，本人覺得中伏了！ 其實食到呢度已經好飽，但仲未完，因為仲有芝士炒飯等緊我地！ 芝士炒飯（加35元）係用左紫菜粟米芝士炒成，用鑊仔上，賣相來講就真係麻麻地， 不過食落都叫做幾香口，同時間，店員收左我地個鍋，原來兩樣野係分開的！哈！ 芝士炒飯都可以拉絲，但芝味就不算太突出了，芝士迷來這裡必定高興吧！ 總括來說，人均百多元就可以食到這麼飽係好抵食， 但想深一層，我們吃的午餐肉，即食麵年糕等都是很LONG胃，幾大食都好快會漏吧！ 另外，就是要客人一次過落單，不能追加，都會令人叫多左食物，造成浪費， 雖然我們都叫做吃光光，這點自己覺得有點那個了。 三清洞摩西 銅鑼灣渣甸街50號渣甸中心1樓 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | 三清洞摩西 |