|
[銅鑼灣] Sodam Chicken ‧ 又黎炸雞之夜 | 菊花蜜與炸雞，原來都可以好夾
|
|
糖小妹
2016-03-07
1176
1
|
分享
收藏
韓風炸雞熱潮係香港仲係十分大熱，數數手指，由韓國引入黎香港既韓國炸雞店就黎十隻手指都數唔晒，愈開愈多，就黎更有一間係你左近。姐係係證明左其實香港人都幾鍾意食炸雞，包括小妹 (當然有唔才少後生仔女都係為左喜愛的韓星代言人而幫襯啦)！ (喜歡的，請按讚支持，是給我很大的鼓勵啊 ) Connie's Food and Life Corner 今次黎到係銅鑼灣一間新開不久的樓上炸雞店，據聞都係從韓國引入經營權的，入到去座位間頗闊落，簡潔的裝潢，雖然播住韓國歌MV卻又不會感太嘈吵。 翻開餐牌，主打炸雞和焗雞，也有數款小食和部隊鍋供應。對於炸雞小妹係比較愛好韓國甜辣醬的味道，所以通常都會揀呢款口味的炸雞。不過從網上睇到不少IGers推介了這款蜜糖芥末香蔥炸雞，最後決定要試下，還有影相必點的菊花蜜特飲。 菊花蜜特飲 $58 一邊食炸雞，梗係要叫返杯飲品黎個雙重享受，向來一路以為食炸雞要配汽水或啤酒先夾，但原來配呢杯菊花特飲都好夾架！呢杯菊花蜜賣相好美輪美奐呢，真係岩晒用黎呃like用 XD~ 味道係梳打味既菊花茶，幾解渴，如果冰塊可以少d就好，因為到後期開始溝淡左陣味。 Apple Cider Beer Bomb $78 食炸雞最夾就係配啤酒，他叫左呢個Beer Bomb，問問店員係咩黎，原來會另外比杯清酒你倒落啤酒度一齊飲，不過佢就話同未加之前差唔多，係感覺上幾特別咁話。 紫菜卷芝士波波拼盤 $88 拼盤有紫菜卷、黑椒薯條同芝士波，小妹至愛紫菜卷，餡料係粉絲，質感帶點彈牙又香口，好食！而薯條入口好重黑椒味，加埋芝士波送酒小食一流！ 蜜糖芥末香蔥炸雞 $188 一碟約有12件雞，部位有雞全翼、雞脾同埋雞胸。外皮炸得夠香脆，肉質食落除左雞胸位外其他都頗嫩滑多汁的。而且蜜糖芥末醬汁幾好食，芥末味唔會太強烈搶晒味同嗆喉，仲有陣陣甜甜的蜜糖味，好食啊。 Sodam Chicken 地址: 銅鑼灣耀華街3號百樂中心7樓 (港鐵銅鑼灣站 A 出口, 步行約1分鐘) 電話: 2728 0200 營業時間: 星期日至四: 12:00-23:30 星期五及六: 12:00-00:00 最後落單時間: 星期日至四:22:30, 星期五及六:23:00
感謝 糖小妹 提供以上資料 糖小妹的網誌: http://concon2016.blogspot.hk/
|
~END~
| 商店 | Sodam Chicken |