今次去郊遊是R小姐第一次去大澳及寶蓮寺，首先陪她上到寶蓮寺，差唔多十二點鐘，梗係去食齋先啦，每位收78蚊，以他們的食物質素都算抵食，食完之後到處遊覽，發覺大雄寶殿正在維修，而新起的萬佛寶殿又未建成，搞到少咗好多地方去，唯有上去大佛度看看吧！之後去咗昂平360度行吓，然後就搭車去大澳了。到了大澳就入咗去市集度找小食吃，首先是食乒乓魚旦，12蚊兩粒，有少少貴，但都幾好食，然後行行吓，又見到30蚊桶豆腐花，兩個人食一桶，都好大份量吓，食完之後又去行街，行到比較遠的小店，見到有10蚊13塊燒瀬尿蝦乾，咁抵食梗係買咗嚟食啦，初時都驚啲蝦乾會好硬，但食落又唔硬，重好好咬添，搞到一陣就食晒，而且再想食過，不過都係等走時才買來等車食吧。繼續行落去，首先去咗少林寺，但去到都係冇乜野睇，得塊大空地，跟住走人，之後去埋大澳文物酒店度行吓影吓相，等到差唔多六點就走，行番回頭路諗住再去買蝦乾食，點知間舖收咗，唯有行番出大街買貴野，見到有間賣10蚊8塊，少咗5塊，不過都買咗20蚊了，鬼叫想食咩。行到出巴士站，嘩！條人龍排到出晒街，諗住呢鑊有排等，但結果又唔係咁喎，突然好多車來接走晒條人龍，我地只是排咗幾個字就搞掂。出到東涌食埋飯就返屋企了。