|
不過不失
|
|
愛食
2016-03-25
309
0
|
分享
收藏
| 今日(25-3-2016 Fri)耶穌受難節公眾假期,原本帶老公去睇醫生,但醫生休息,於是去行吓搵o野食,由於決定唔買餸,於是提議去宜家傢俬食晏,但行到呢o度,又記得排頭村有餐廳,老公又話宜家傢俬食o黎食去都係o個啲,所以贊成行o黎食,我o地今天先試呢間. 12點幾去到都full full地,室內剩返唔多位,亞姐幫我o地拉開枱入去坐,我o地睇餐牌,亞姐提我o地有常餐,睇完. 我同老公都決定要$37.00o既常餐,要香煎豬扒公仔麵配火腿奄列牛油多士,要熱奶茶.同$42.00o既set lunch,粟米班腩飯,加$2.00要熱好立克. 好快,火腿奄列牛油多士到o黎, 快到我反應唔切係我o地o既.之後兩杯o野飲到o黎,然後粟米班腩飯都到. 我先食半件牛油多士,牛油多士冇烘過龍但脆,牛油唔多,唔會太油膩.而火腿奄列係一早整定,所以係凍o左, 奄列唔算滑,正常o野. 味道:3.5分 而香煎豬扒公仔麵都到o黎,我望望吓,見到有啲客人有例湯,我就望吓餐牌,原來個set lunch有例湯送,於是我問問,亞姐答係,係有,唔記得俾. 於是俾返,同我尋晚自己煲o既湯一樣,係青紅蘿蔔湯, 不過我尋晚落太多水,而且肉少,所以味道淡啲.我試試呢o度o既先,呢o度比我煲o既濃. 味道: 3分 然後我食返香煎豬扒公仔麵先, 感覺件豬扒唔夠味,可能調味淡啲,不過食得舒服.麵就唔算好腍,OK. 味道: 3.5分 最後食老公o既粟米班腩飯, 飯已經凍o左, 粟米班腩內裡滑唔鯹. 味道: 3分 而我o既熱奶茶茶味唔多夠都係必然,口感滑. 味道: 2.8分 服務: 除o左唔記得俾例湯外,就係冇俾叉同糖我,因為呢啲o野係枱o既櫃桶佈,而我o地張枱係冇櫃桶,又咁o岩坐正o係六人枱o既中間同另一邊,叉,算啦,我唔問佢o地攞喇. 而砂糖我唔知係一包包o既,以為枱上o個個傳統鐵o既糖罌,我叫老公拎俾我,佢打開睇話唔係,係裝辣椒油.而同枱唔識o既客人就拎包砂糖俾我,並示意話o係佢o個邊o既櫃桶o度. 真係唔好意思.我諗serve我o地o既亞姐唔係呢o度o既長工,而係偶爾返o黎幫手o個啲. 不過我o地一坐低落完單,佢都即刻俾杯水同幫我o地將兩對筷子,兩隻匙浸入去. 同埋我o地走o既時候要將張枱推出去,仍o地都幫手再推出啲. 環境: 原本出面係有位亦應該舒適啲,不過諗起要吸二手煙就怕怕,所以只好走入室內,不過唔知二樓可以上去,下次有機會會上二樓. 抵食係1.5分
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$40.00
| 商店 | 排頭餐廳 |