抱歉,發生點錯誤。
重新載入
【親子好去處】尖沙咀 天文台開放日 2016 Hong Kong Observatory Open Day
kimfamilytravel
2016-03-20
1283
0
分享
收藏
平時成日睇天氣報告,今日終於有機會嚟到天文台嘅開放日

睇吓究竟佢哋點樣樣測天氣測得咁......準先!

今日落住毛毛雨,但係兩個馬騮從來不畏風雨都會超常出動!

我哋尖沙咀金馬倫道出口向佐敦方向進發

見到聖安德烈堂轉右直上就會見到



見佢圍哂鐵馬咁,可能尋日嗰場開放日好多人...撞啱今日天氣麻麻非常之咁少人


就咁直入唔駛排隊唔駛逼!嚟到當然見到塊大橫額要影番張Cover啦!



行前少少就見到有個小Reception,喺呢度只係派發一D天文台常識嘅宣傳單張同埋記念書纖




我幾鍾意佢放咗好多塊Cardboard喺度俾人影相呃Like!

大家都好有秩序咁影完放番低,唔駛排隊唔駛爭!呢兩塊我覺得最靚


最Perfect嘅地方係呢度居然提供行李寄存服務!


只要填少少資料就攪掂!剛好今日拎住超多嘢,哥哥又學手風琴,妹妹又學跳舞...

放低哂之後超輕鬆,可以同佢兩個嘢慢慢行


先同呢㗎印有天文台標誌嘅車影張相先!

呢架車都設有少量簡單偵測天氣嘅儀器


側邊放咗一塊好長嘅展板講解咩係輻射,我同佢哋講嘅簡化版都係話電視有幅射唔好睇咁多啦Hahaha...


行上一條小小嘅斜路就去到另外一個閘口


望吓個地圖先發現原來寶物尋歸底,裡面有更多嘢玩同嘢睇!


沿途見到嘅白色建築物!


行上斜路就見到呢座(我覺得好似禮賓府)嘅天文台大樓

在外園兩邊放咗好多唔同嘅天文儀器喺度

我冇一一深究過係D咩儀器!大多數都係測風同量雨嘅器材


不過佢同場都有好多位義工喺度協助講解



唔講都唔知,原來量雨都有咁多個唔同嘅儀器!

我多口問吓姐姐點解有陣時天文台出示黃雨或紅雨,但係我所在哪個地方又風平浪靜...

佢突然口啞啞唔知點答,就類似答話「所以需要咁多個唔同儀器放喺唔同嘅地方去偵測雨量」...聽完之後就真係明哂,我又唔想留低同佢磨咁耐所以快快離開咗繼續向前行





呢個爸爸好無聊咁叫佢哋兩個配合個大汽球一齊影相

但係佢哋又好配合喎,笑死我了...!






無聊完之後我見到有條人龍,排住繼續行入去大樓裡面睇嘢!


排排吓隊見到有間房! 咦....係哺乳室, 嘩真係好細心好周到喎!

除咗行李寄存, 居然仲有哺乳室, 我諗我今次最欣賞天文台開放日就係呢D咁細心既安排



條隊好快就一路向前行, 經過一個又一個既展板, 終於見到有出口

不過有左有右, 左邊係遊戲區, 右邊係主場區!

我哋揀咗去遊戲區先, 因為入咗嚟咁耐都係睇嘢冇咩玩...



後來先發現好在揀咗遊戲區先, 因為原來去咗主場區之後係好難行番轉頭!

好失望既係遊戲區原來得兩個攤位, 仲要有一個因為太多人玩招呼唔切就Cut咗


我問在場義工嬸嬸點解冇得玩! 佢哋話太多人啦....

其實我都唔係好明...小朋友玩完一個咪去另一個囉, 唔明點解會控制唔到人流所以Cancel咗


所以得番一個遊戲玩...玩法就係要將個豆袋掉去任何一個天文附號上面!

其實佢哋都係志在大家開心, 所以就算摘界都會送禮物俾你


不過妹妹好勁...佢一拋就拋咗去黃雨個圈圈度, 仲要冇摘界!!!


每人送咗一個萬字夾, 你睇哥哥呢個樣, 因為佢收到呢份禮物唔鍾意非常失望

哥哥開始大個對物質有要求了, 所以我哋不時都好好咁教導佢要學習知足同珍惜


行番去主場區就係紀念大樓! 入到去有一個區域介紹颱風級別及歷史





不過全部都係展板同埋文字, 好似將我以前小學本教科書印番出嚟睇

其實對於大人小朋友同埋咁逼人嚟講, 真係唔會咁有興趣慢慢睇囉



「十」字呢個符號大家係最少見, 因為係10號波! 我記得好細個既時侯試過一次


離開咗展區又去到另一個較大既展區



天文台咁多個天氣角色裡面, 原來有個天氣小王子(我哋將離開展館出到外面跟小王子擦身而過, 冇機會同佢影相...)







嚟到另一邊有一個天氣報導員區俾小朋友可以嘗試一下報天氣同俾大人影相

義工叔叔按排每個小朋友拎住指揮捧去指住熒幕俾大人影相, 哥哥呢個怕醜仔梗係唔出聲啦

志在人人有份, 所以唔夠10秒義工叔叔就會叫下一個小朋友上嚟




到妹妹啦! 原來佢行到出去唔夠高差咁遠, 不過終於叫做有D嘢係俾小朋友參與吓

如果呢個開放日可以多少少互動遊戲項目就好!





離開咗大樓之後出番去外面, 其實就係頭先入口既另一邊, 剛剛好圍住大樓一個圈行

外面掛住好多個立體颱風符號!








佢哋兩個依家好自動自覺一見到展板就會行埋去俾我影, 好攪笑!


離開咗天文台開放日, 番去拎番行李就向The One出發

途經美麗華見到咁有隻公仔, 就走咗入去望吓同影咗張相...真係好大隻....呢隻餵食兔足足有三層樓咁高

下一站>>CLICK HERE!
【親子餐廳】尖沙咀 Dim Sum Icon 点心代表 @The One



Photo by CANON 5D Mark III, Len | EF 35mm f1.4L USM

呀劍評分: 5分

呀劍評語: 內容係豐富但係偏平面單調, 欠缺咗互動原素! 可能Budget有限...所以見到既幫手都係義工, 仲要係叔叔姨姨...

天文台開放日 簡介
今年天文台開放日是「欣賞香港」運動的亮點項目之一。今年的主題是「更熱、更乾、更多雨˙面對將來」,歡迎公眾人士參觀,實地了解天文台的工作,與專業氣象人員交談,看看我們如何利用科技為市民服務。

地址

九龍彌敦道134A號香港天文台總部入口在彌敦道近尖沙咀街坊褔利會,出口在天文台道﹝見附圖﹞

免費入場

日期時間:
2016年3月19日(星期六)
入場時間:上午11時30分 至 下午4時30分 

2016 年 3 月 20日(星期日)
入場時間:上午10時正 至 下午4時30分

展覽結束時間:下午5時15分

(以上資料更新至文章當日)


============================================

感謝 呀劍萬帥 提供以上資料

呀劍萬帥的網誌: http://kimfamilytravel.blogspot.hk/


============================================

~END~
商店 香港天文台