|
來個真正的西餐吧！
|
|
chickenandpp
2016-03-27
378
0
|
分享
收藏
| 好少機會可以同chicken去西餐廳据扒， 一黎唔係餐餐豪得起，都係特別日子先會去食～ 今次佢竟然話要帶我去食好野，唔通中左六合彩xd? 佢帶左我黎依間CHEF STAGE de Eddy Chu， 入到去個氣氛好唔同，先知道原來係高級餐廳～ 係門口已經見到唔少報章雜誌報導過，睇黎係一間好有份量既餐廳。 餐廳內有兩側，餐廳有一塊好大既玻璃，可以見到室外既環境～ 而且可以見到對面海，環境氣氛真係好有feel呀@_@haha 然後全程都係chicken負責點菜，我就負責點頭xd 冷食日本磯煮鮑魚配凍鮮蝦，套餐既頭盤係海鮮，睇落已經覺得好吸引， 鮑魚好鮮甜，肉厚彈牙，而凍鮮蝦都幾多肉，可以點豉油增加味道層次～ 黑松露蘑菇湯，香濃既黑松露，內裡有一粒粒既蘑菇碎， 飲落去非常有口感，佢個質地唔會太杰身，份量適中。 蟹肉蘑菇日本年糕，依個年糕小菜好吸引，松露汁配上日本年糕， 年糕口感煙韌，每咬一下都有果種黏笠感，配上個醬汁極之香口， 蟹肉份量唔算多，可以加以調味，味道好豐富，實在非常愛食！ 紐西蘭聖子扁意粉，用材好新鮮，扁意粉口感彈牙，聖子既份量唔多， 雖然整體黎講都唔錯，但比起其他菜式就較為普通，唔算太突出。 燒黑毛豬肋條肉，豬肋條係豬肋骨中間既肉既烹煮，肉質較爽口， 另外配埋菠蘿香菜，主要係用黎清新口腔中既味道，再食豬肋條， 減少油膩感之餘仲可以完全食得出黑毛豬既味道，香濃又滋味～ 如果味道唔夠既話可以落燒汁調味，咸得黎帶出個肉香。 慢燒美國牛肉眼，每日限量供應，牛肉燒得十分鮮嫩，入口時會流出肉汁， 每一啖都係香濃既牛味，肉質厚得黎唔會韌，建議加上粗鹽，可以更加帶出陣肉味， 又唔會覆蓋原來既香，另外有紫薯做伴菜，甜而不膩。 燒牛脷配日本蜜糖芥辣，第一次食牛脷係完全覺得唔核突！ 仲要愈係愈惹味，牛脷質感外脆內軟，味道濃而不膩， 內裡好軟稔，而且透著香濃既肉汁，蜜糖芥辣可點可唔點，認真抵讚～ 朱古力味的TIRAMISU，仲有少少水果做裝飾，好有心思， 味道亦都唔錯，食埋甜品已經夠晒喇～ 估唔到chicken會帶我黎食咁有格調西餐>< 今次用餐我好滿意，食物驚喜又豐富，服務亦好周到，真係好感謝佢~嘿嘿
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | Chef Stage de Eddy Chu |