肉餅哥專整肉餅 SeeWide

肉餅哥 @#foodki荃灣
巨形雞脾(6.5/10)($48)
肉餅哥係一間新既餐廳，以特色同classic肉餅為主。除左肉餅之外，仲有#巨形雞脾食。隻雞脾大隻到好似台灣既#鹽酥雞排咁，好多肉，好飽，表面炸得鬆脆，味道就係普通#炸雞脾咁?，貪新鮮可以黎試下。
肉餅哥小炒料理的相片 - 荃灣)

芝士肉餅(6.5/10)($68)
肉餅哥當然係食肉餅啦。佢地肉餅種類真係好多，例如龍蝦肉餅，鵝肝肉餅，冬陰功肉餅，真係你講得出就有，無得輸。
而foodki就揀左芝士肉餅。芝士肉餅係兩煎豬肉肉餅夾住芝士，味道估唔到幾夾，肉餅打到好林，好似火雞姐用人手剁打到瀨尿牛丸咁平均，口感不俗。可惜太過油。
呢個價錢仲包埋油飯/菜飯/白飯/烏冬/薑蔥撈麵/烏冬/漢堡包。可惜當日剩係得飯,無得試其他。
肉餅哥小炒料理的相片 - 荃灣)

鵝肝肉餅(7/10)($68)
又一特色肉餅，以呢個價錢食到鵝肝真係非常唔錯架啦，配上油飯，幾好食，肉餅都係有少少過油。