|
不被談論 * 就不成大器
|
|
mohkc
2016-03-28
464
0
|
分享
收藏
清澈海水，醞釀着多種美味，海洋中有魚類、蝦類、貝類等，怎樣可以一次品嚐到多款優質海鮮而又經濟？今日為大家介紹一間日式丼飯店，其中一款分了兩層賣相吸引，有次經過餐廳，已經被它吸引着。 雖然今日雨粉粉，亦無阻我們品嚐美食嘅心情，急著腳步走到餐廳，位置處於銅鑼灣及灣仔之間，離銅鑼灣時代廣場比較近，步行過來十分方便。大約六點進入餐廳，大約三份一位置已經坐了客人，事先預約了位置，走上幾級樓梯，穿過玻璃門玻璃門走進餐廳。 店中燈飾比較暗，令人放下工作，可以休息嘅感覺，集中投射於餐枱上，一個給食物展示嘅舞台，令人期待著表演者嘅演出。牆身用上灰色，不同凹凸層次嘅積木積，相反座位就用上鮮橙色，令人感覺到有些新元素進入餐廳，店員好快就安排到坐位及送上熱茶濕紙巾等。 餐牌為每個丼飯提供相片，方便客上選擇，弘丼$108-188，海鮮丼 $88-178，季節限定 松葉蟹 $288同樣吸引喔！ 極上二段丼 $288 內含九種海鮮刺身，滿滿分成兩碗，係日本築地魚市場又名場外丼，就係今日嚟嘅目標！ 上層：三文魚、北寄貝、藍鰭吞拿魚大腩、帆立貝、蟹鉗、海膽、間八(章紅魚) 下層：三文魚籽、王子碎、 香蔥伴藍鰭吞拿魚腩蓉、蟹膏、青瓜、溫泉蛋 列出就對已經有咁多款，如果見到實物，就更加目不暇給，上層都已一片片嘅刺身，歡迎著大家光臨！滿滿得以為下面沒有飯，分量真不少，可先吃蟹鉗及間八，味道淡，可以細緻品嚐鮮味。 店家用新鮮山葵蓉作芥末，辣得來唔會咁攻鼻！ 之後就不其然選了肥美三文魚腩，可看有一層透白魚脂，用刀割成網紋，去除多餘根位，不會阻擋到三文魚的口感。另外，帆立貝就用上青檸配搭，每片薄切青檸就配一件帆立貝，天然地帶出不平凡的鮮甜味。 要令自己突出嘅方法，就要令你會讓人談論，要把創新的東西，發放於市面，要大膽前無古人後無來者，如果怕會有負面嘅意見，就唔會有進步。今日餐廳弘就將主題放於意念上，將小碗搭過大碗，兩層丼視覺效果尤其吸引。 完成上層，就可繼續進攻下層，圍着溫泉蛋分了三個部份，香蔥伴藍鰭吞拿魚腩蓉，粉嫩嘅吞拿魚腩蓉上有青蔥碎，可去走魚腥味及增加口感，如果混入大蔥香氣可能更適合，但魚腩有點根，處理上可以更加好。 蟹膏味道就最濃郁，配上嚼勁壽司珍珠米飯，十分適合，但味道比較現成，不過再加點青瓜片點綴，口感不會太寡。我會選擇最後才吃三文魚籽及王子碎，匯入溫泉蛋，平凡中可見特色，一同感受到兩個不同口感的王子，三文魚籽提供不少咸香，層次感豐富。 極丼 $178 當中包括藍鰭吞拿魚大腩、帆立貝、海膽、油甘魚、赤蝦 及帆立貝，用較寬的平碗送上，令食客吃得方便。 最令我難忘的藍鰭吞拿魚大腩，外表十分有光澤，脂肪分佈，好比雪花肥牛，被其深深吸引，一咬魚油馬上湧出，令人感受到齒甲留香的意思。如果怕一次過吃下會太油膩，可以用上一片紫蘇葉包下，再一併放進口，可以一解你的疑慮，因為紫蘇葉有特別嘅香味，大家不妨試試！ 呢碗一排三件嘅海膽，外表亭立，肥美得讓人馬上將它放進口內，咬幾啖就輕易溶化， 濃郁到不得了！油甘魚成為友人的最愛，我都不跟他搶食，比上三文魚肉質更結實，魚香非常。 帆立貝就用上檸檬片用伴，帶出清新感覺。廚師先將蝦身處理，赤蝦份量十足約有手掌長度，厚實讓人滿足，加上有不少蝦蟹，我也同樣用紫蘇葉包一起吃下，Oishi！ 還後，餐廳名「 弘 」，解作大、擴充的意思，希望將加多新創意帶給香港食客，期待下一次新作。 平均消費 $256.3/位，2位，2份丼 弘 CHIRASHI 星期一至日: 12:00-15:00; 18:00-23:00 灣仔灣仔道221A地下 Tel: 2861 3001 / 6170 7774
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$256.00
| 商店 | 弘 |