酒店一樣有平靚正餐廳 SeeWide

放假黎澳門玩，揀了住星豪，外面落住雨，廢事去咁遠，晚餐就係酒店解決吧。
東南薈的相片 - 路氹城)

係門口睇睇餐牌，見呢間東南薈好似幾ok咁樣，就食呢間啦，店內好濶好乾淨，環境唔錯喎。
東南薈的相片 - 路氹城)

枱上餐具精緻，茶杯係水壺造型，調味料樽成蒜頭狀，幾搞笑
東南薈的相片 - 路氹城)

椰香咖央多士配溫泉蛋 $42
好耐無食過咖央，而點了呢個小食，甜甜的帶椰香，勁多咖央醬，一啲都唔姑寒，烘熱過的麵包軟熟，一個包已經好飽肚。至於那碟溫泉蛋就無乜驚喜，兩隻半生熟蛋欠蛋香，總算滑口不帶腥味。
東南薈的相片 - 路氹城)

椰汁喇沙湯麵 $88
做得好嘅喇沙湯係好好飲嘅，試下呢度啲先。果然出色，奶滑帶微辣又富椰香，仲有濃濃嘅海鮮味，味道好balance。麵條有油麵同米粉，爽口又彈牙，吸滿湯汁超正，一碗食完暖笠笠，湯都飲哂。
東南薈的相片 - 路氹城)

印尼海鮮炒飯 $98
有一隻蛋，兩條豬肉串燒，三隻單骨雞翼，伴碟仲有蝦片同醃過咸咸酸酸嘅雜菜，雞翼略咸，炒飯很油，呢個一般啦。
東南薈的相片 - 路氹城)

馬來椰漿飯配咖哩雞 $88
椰漿飯原來係咸的，係香港只食過甜椰漿飯，呢個咸咸地又幾得意喎。咖喱汁幾稀，唔太好撈飯，但雞件嫩滑，份量亦多，收貨了。
東南薈的相片 - 路氹城)

脆皮麵包咖哩雞 $108
呢個咖哩雞又唔同上面個種，汁較濃，香料味更强烈，椰汁味亦重，一啲都唔辣，入面好多雞件同薯仔，兩者都炆得入味。麵包外脆內軟，吸了咖哩汁好正，淨係食呢個都飽到爆。
東南薈的相片 - 路氹城)

原味燒餅 $20
唔知道個咖哩包咁飽，仲一早落定個薄餅諗住點咖哩汁食。呢個餅又做得好好味喎，煙韌有口感，點喇沙湯食一樣咁正。

地方大，服務好，住酒店仲有七節優惠，埋單唔使四百蚊，真係物超所值，好滿足呀

============================================

感謝 yuchiro 提供以上資料

============================================

~END~

商店

東南薈


(0)	(0)	(0)