脆骨超好味 SeeWide

茶記食得多想食下其他野，本來想打邊爐，但好似啱啱先打完，咁就黎左隔離嘅飯飯店，見佢啲炒野好似好正咁樣。
飯飯店的相片 - 油麻地)

芥菜咸魚生菜包 $98
先點了呢個，一碟得四件實在有點小貴呀！豬肉餅煎得香脆，肥瘦肉比例適中，下面放左青瓜同生菜，食落爽口又可去油膩感，最正係個醬汁竟然用左washabi沙律醬，直接刺激味蕾，唯美中不足係咸魚味欠奉，有點同菜名不乎。
飯飯店的相片 - 油麻地)

欖角蜜椒金沙骨 $98
另一味點了金沙骨，要炸很難係屋企煮嘛，呢碟份量正常，望落金黄色好吸引。
飯飯店的相片 - 油麻地)

啖啖肉同少少軟骨，甜甜地好正，肉香又有咬口，味道好，但又係要挑剔下個菜名，欖角蜜椒……係邊呢？哈哈，叫蜜糖金沙骨咪好囉，不過好味係真嘅，基乎成碟比我搶哂黎食。
飯飯店的相片 - 油麻地)

正宗鯉魚門炆脆骨 $288
阿媽話呢個佢好鍾意食，一定要叫，其實咩係脆骨呢！？原來係大魚走油再加芡汁，功夫都幾多喎，屋企唔會煮到囉。是晚條大魚係石班，好多塊好大碟，上枱時香噴噴呀。
飯飯店的相片 - 油麻地)

靚魚～

魚塊又香又滑，鮮味滿溢，啲汁勁好下飯，蔥都食哂，正正正！
飯飯店的相片 - 油麻地)

白飯$10
大大碗唔姑寒

間中食下小炒又幾正喎，好味好味。

============================================

感謝 yuchiro 提供以上資料

============================================

~END~

人均 $200.00

商店

飯飯店


(0)	(0)	(0)