踏進台灣第一步 SeeWide

未去過台灣既我，一直都好希望可以搵個機會去體驗當地文化！
不單物價水平低，美食都特別吸引到我！真想去～～～
係我嚮往既同時，亦比我搵到依間充滿左台灣味道既老街，
由外到內都有台灣既影子呢～
老街的相片 - 旺角)

老街係我搵緊訂去既時候比我發現既，見到個門面別具特色，
相比起其他食肆，比我感覺係多出左一種人情味，依種感覺深深被我吸引

老街的相片 - 旺角)

環境尚算寬敞，下午茶時間人流唔太多，而且店舖周圍都放滿相框，感覺好Warm

老街的相片 - 旺角)

菜式都係台灣既特色小菜為主，下午茶更加抵食！見到個價錢內心有一陣暖意，
所以我同朋友都決定嗌多樣小食表示支持～

小碗肉燥飯，下午茶餐其實非常抵食，食到肉燥飯又食到三款台式小食，
肉燥飯香味撲鼻，食落肉香甚濃，一人份絕對足夠有餘，而另外既三款小食都唔錯，
之後仲嗌多次個小食同朋友一齊SHARE

木魚炸豆腐，炸得好香脆，外層帶微窿，咬落去鬆化，外脆內軟，
豆腐要連埋炸皮一齊先好食，否則味道不大，一齊食就係另一個層次～

蔥油青菜，看似普通但幾有驚喜，食落又香又帶少少咸，一啲都唔單調

小香腸拼鹽酥雞，鹽酥雞非常好食所以嗌多左個，雞塊香口軟稔，
食落微咸但好香口，好想一食再食！而小香腸則唔太驚喜，
冇出面賣台灣腸果啲咁香脆，肉質偏韌

同朋友一人一杯台灣奶茶，一個加珍珠一個加椰果，奶茶香而得黎好甘甜，
加椰果會比較甜，而加珍珠就增加口感！

============================================

感謝 chickenandpp 提供以上資料

============================================

~END~

商店

老街


(0)	(0)	(0)