|
黑松露帶子肉餅菜飯 @ 肉餅哥小炒料理
|
|
sky_0721
2016-03-28
537
0
|
分享
收藏
平日外出食飯多以日式，西餐為主，中式相對較少，今次想轉變一下口味，去了位於荃灣的肉餅哥小炒料理食午飯，一聽個名好有住家飯的感覺. 店舖外已列出這裡所有的肉餅款式，一共有32款. 店內怖置以簡約為主. 這裡午餐的肉餅價錢分$48, $58和$98. 肉餅可選擇煎或蒸. 可配白飯，菜飯，油飯，薑蔥撈麵，烏冬和漢堡包. 由於我去食時係試業階段，只有前三款供應. 最後選了黑松露帶子肉餅菜飯，肉餅要煎. 另一個是牛肉流心芝士肉餅菜飯，肉餅要蒸. 老火湯是粉葛蓮藕湯. 這個天氣, 最適合飲湯滋潤一下喉嚨. 個湯幾清甜, 仲有粉葛和蓮藕食, 我自已鍾意食煲完湯的湯料. 首先, 是黑松露帶子肉餅菜飯上枱. 由於是揀了煎的肉餅, 所以肉餅較為黃金色, 但就略為黑咗少少. 肉餅外層入口時帶點微脆, 較為香口. 松露和帶子混入肉餅中, 味道調教不錯. 而肉餅也不會太乾身. 但松露味唔太覺, 而且帶子也較細粒, 口感相對較細, 若帶子能夠切大粒些, 更加好味. 牛肉流心芝士肉餅菜飯. 切開肉餅, 會見到芝士夾在肉餅中間, 估不到兩者都幾夾. 諗住流心芝士, 切開應該有芝士流出, 可惜芝士未能造出這個效果. 但有這個創意也不錯. 蒸肉餅感覺似係屋企食飯, 因為這是住家菜式之一, 較為親切. 唯一是我覺得肉餅唔夠熱. 餸還是熱辣辣較好味. 飲品點了熱檸水.
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 肉餅哥小炒料理 |