|
驚喜小店*御和亭日本料理
|
|
暴食小公主
2016-04-05
1045
0
|
分享
收藏
放假唔想同人迫，近近地去左大埔行下 行完又到醫肚既時間 上Openrice serach到呢間日本野 雖然comment唔多，但d評語都幾正面 所以就去左試下喇 入面裝修雖然簡簡單單 木製傢私再加d日本畫 成個感覺都幾靚，幾舒適 (但當日太多人，所以就冇影到比大家睇) menu都幾多野揀好似sushi，串燒，主食同鍋物都有 玉子手卷 $15 有睇開我blog都知我有幾鍾意食玉子 食既時候紫菜仲係脆，合格 不過紫菜味唔算太香 玉子有蛋香，而且夠厚切，都唔錯 燒鯖魚 $58 可能係因為屋企唔會整呢d魚食 所以出街見到就會好想叫 魚皮燒得乾、脆，唔會太咸 但魚肉仍然嫩滑 而且條魚好厚身，食落啖啖肉好正 燒雞翼 $28 $28其實好似係得2隻 但黎到既時候變左3隻，bonus哈哈 雞翼切開左，仲拎走左一條骨黎燒 所以食既時候好方便 雞皮燒得香脆，雞油係燒既時候迫左出黎 所以食落唔係覺得油膩，好食 燒京蔥豬頸肉串(2串) $45 豬頸肉上面搽左麵豉醬 食果時唔會覺得好油膩之所 豬肉本身既膻味都辟走埋 再配埋京蔥既甜味，真係好夾 燒茄子 $38 茄子面灑左d木魚碎 賣相就好吸引好靚喇 不過味道就麻麻地 略嫌無咩調味，果時有d寡 牛肉壽喜鍋 $68 呢個壽喜鍋帶比我好多驚喜 d牛肉質素真係好高 牛肉味濃而且好滑 入面既配料亦比得好鬆手同好有水準 我最愛既豆腐夠滑又重豆香，而且有3舊咁多 (如果你同我一樣鍾意食豆腐，就會知佢地係幾咁難能可貴) 完全無諗過收$68，竟然會有咁好既質素 (食個吉野家都差唔多價錢啦) 唯一要挑剔係個湯咸左少少 (真係少少ja) 黑松露鮮帶子炒飯 $68 飯炒得好乾身 帶子同黑松露醬亦比得唔孤寒 可惜佢最後先上，而我地已經好飽 所以都食剩少少 整體而言係十分滿意 食物質素高，價錢公道，服務又好 我地當晚2個人埋單先係三百幾蚊 呢個價，食元氣都要啦 所以一定會番去再幫襯 小小提示，當日我地7點前入座都已經坐滿8成 7點後更加係要排隊 所以想試既朋友仔記得早少少去到喇
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$150.00
| 商店 | 御和亭日本料理 |