驚喜創意美食 SeeWide

上周五同老公去有「旺角蘇豪」之稱的黑布街吃紫薯窩夫，發現甜品店隔壁開了間以「實驗室」為名的食肆《Lab 66》，見有食客出入，趁勢探頭內望，原來店內裝潢頗型格，牆身外露銅喉及鐵鍊，配上天花垂吊著的鎢絲燈、水泥地板、店門外耀眼的霓虹燈招牌和藍色窗框，令餐廳滲出一室工業風。細看門外餐牌，店子原來主打新派 Fusion 菜，由中、西、韓、東南亞菜式，以至 Gelato 手工雪糕等都有供應，所以這晚下班後，兩口子特意來嘗新。
Lab 66的相片 - 旺角)

推門內進，原來餐廳分為上下兩層，以石屎樓梯連接，地面一層地方雖然唔算好大，但勝在乾淨企理，而且可能是時間尚早的關係，店裡食客不多，配合近門口的落地大玻璃窗，一室開揚簡潔，感覺挺舒服。
Lab 66的相片 - 旺角)

先拿起用木板夾著的餐牌細看，食物選擇唔算多，一頁過，包括有湯、頭盤、小食、主菜、飲品及手工雪糕等。另外還有一張印上食物相片的餐牌，好讓客人與 menu 互相對照，望落其實款款都好吸引，令人心大心細，還是將點餐任務交給老公，自己先點飲品。
Lab 66的相片 - 旺角)

筆者向來偏愛凍飲，所以點了杯以新鮮芒果打成的芒果沙冰 ($32)，輕啜一口，質感非常細滑，而且芒果味道好香濃，加上冰凍口感，入口夠曬透心涼。至於老公點的鮮搾果汁，有紅、黃、綠三款選擇，揀了這杯以菠蘿、香蕉、荔枝和雪梨鮮搾而成的 YELLOW ($38)，味道酸甜交替，涼爽解暑，既醒胃又富果香。
Lab 66的相片 - 旺角)

食物方面，先來一客煙三文魚凱撒沙律 ($88) 打開胃口，唔好以為凱撒沙律滿街都是，一定沒甚麼驚喜，原來廚師非常之有心思，沙律特別用上玻璃瓶盛載端上，賣相的確令人耳目一新，而且打開瓶蓋時竟然還在冒煙，似玩甚麼分子料理。煙三文魚下得夠慷慨，有兩大片，而且非常厚身，入口油潤嫩滑、帶煙燻香味，配爽脆的沙律菜、香口的 croutons 同凱撒汁，食味一流。
Lab 66的相片 - 旺角)

熟識筆者的朋友，都知我是雞翼精一名，所以老公特別為我點來一客充滿創意的水牛單骨雞翼 ($68)，水牛雞翼又或者單骨雞翼，相信大家都一定有食過，但以生炒骨方法來炮製雞翼，咁創新的做法，還是首次品嘗。雞翼以木板奉上，端上來時已炸至酥脆，面頭裹上一層亮麗的醬汁，入口外層脆漿好薄，口感鬆脆，酸甜汁亦調得啱啱好，味道帶少許香辣，增添不少食慾，吃時伴以西芹，可中和雞翼的油膩感。
Lab 66的相片 - 旺角)

吃過頭盤，接著是兩客小食，首先出場的這客是鑊仔廣島蠔餅 ($78)，平日坊間吃到的蠔餅水準參差，咬不到幾口就滿嘴油膩，但這店的蠔餅，火候控制得宜，外層食落香脆不膩、內裡則保持軟綿，而最特別就是蠔餅所用的餡料，不是慣常見的蠔仔，而是用上飽滿多汁的日本廣島蠔炮製，粒粒肥嘟嘟、口感嫩滑，充滿蠔鮮味。再倒轉蠔餅一看，原來廚師好有心思，蠔餅煎至兩面金黃，而且蠔隻分量下得足、大片的蠔餅上面加上香蔥，蛋亦煎得夠香口，是筆者心水推介。
Lab 66的相片 - 旺角)

另一客小食點了鹹蛋炒魷魚鬚 ($78)，講真，其實初頭齋睇個菜名，還以為成品會以黃金蝦的做法製作，原來個汁料是用了鹹蛋加雞蛋，混合黃薑粉炒香再調味著色，所以個醬汁食落有點似咖喱汁，唔怪得餐牌上寫著加 $28 可配蒜蓉包喇，原來是用來沾蛋黃醬汁一起吃的。個醬汁雖然幾綿滑，不過就略嫌鹹蛋味道偏淡，幸好魷魚鬚夠爽口彈牙，絕對唔會韌到好似擦膠咁。
Lab 66的相片 - 旺角)

壓軸主菜點了冠上餐廳名字的 Lab 66 推介鐵窩飯 ($128)，可見餐廳對自家出品信心十足！鐵窩飯熱辣辣上桌，先撥開面頭鋪得滿滿的芝士，飯內有牛肉、冬菇、洋蔥、粟米和青椒，嘗一口旁邊的赤紅醬汁，味道甜中帶辣，原來據店員稱，這醬汁是以四川辣椒、泡椒和豆瓣醬炮製。立刻將飯與芝士絲撈勻，飯粒濕潤帶黏性，而且味道調校得剛好，入口微辣。至於窩底的飯焦，食落脆卜卜，配上肉碎非常有口感，惹味好吃，個人認為是必食推介。整體來說，店裡食物幾有創意，而且有好幾款菜式的配搭和味道都令人意想不到，絕對是有驚又有喜。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $281.00

商店

Lab 66


抱歉，發生點錯誤。重新載入


(0)	(0)	(0)