價錢平但唔係劣食喎 SeeWide

朋友約食放題，佢話佢屋企樓下個商場開左新日本舖，價錢平到笑，近近地公司放工一齊去食喎，又好吖，返正星期六返半晝，下午都係出街hea㗎啦。

嘩嘩，七點前離坐$138，星期六日都係$148，放題黎計又真係幾平喎，睇下咩質素再講。
富田和食亭的相片 - 藍田)

飲品雪櫃自取，有百氏，康師傅系列，果汁先生等，都幾多款揀。
富田和食亭的相片 - 藍田)

先點刺身，都有十幾款揀，不過朋友佢只鍾情幾樣，點少少試下得唔得先啦。黎到魚幾新鮮，咬落無雪味，肥美可口，雖然唔係一級靚魚，但呢個價錢收貨了。唯一不滿係份量除意比嘅？定睇錯單，帶子寫了二卻黎左五六粒，甜蛋寫六卻只有兩片，不過唔緊要，放題黎嘅可以再order
富田和食亭的相片 - 藍田)

當然要點下壽司卷物咁，火灸三文魚超好味，入口甘香副魚油，飯軟綿不大舊，食幾件都唔怕飽。
富田和食亭的相片 - 藍田)

溫泉蛋，麻醬拉麵，沙律，味道一般，拉麵太淋太濕。
富田和食亭的相片 - 藍田)

小丸子同紫薯波波，無醬汁嘅小丸子梗係差咁啲野。
富田和食亭的相片 - 藍田)

各種串燒，即叫即燒熱辣辣，原汁原味無加調味料。
富田和食亭的相片 - 藍田)

豬扒，牛扒，漢堡扒，雞扒等，啱哂食肉獸。
富田和食亭的相片 - 藍田)

黃金蠔同蒜香蠔，兩種都好味，但蠔偏細隻，多點幾隻才夠喉。
富田和食亭的相片 - 藍田)

再叫甜蛋，實在太好味，點都要encore。
富田和食亭的相片 - 藍田)

又叫炸物，個芝士通心粉原來係炸的，三角形個件高係，咬開真係好多芝士，味道ok又得意喎。
富田和食亭的相片 - 藍田)

不過咸，有豆腐，油豆腐，海帶，蔥等，幾有誠意。
富田和食亭的相片 - 藍田)

粟米，唔知點解次次都會叫，其實都係一般牛油粟米無驚喜，但又幾好味咁囉。
富田和食亭的相片 - 藍田)

練奶薄餅

朱古力薄餅
食到尾聲就梗甜品時間，兩個薄餅都係寫一件，但黎到件數不一樣，又係除心比的？薄餅本身鬆脆香口，甜食又帶少少咸味，幾正。仲可揀咖哩口味，應該都會好夾。
富田和食亭的相片 - 藍田)

另外仲有雪糕，奶凍，啫喱等甜品，自取的，睇啱就攞啦，好多貨唔使驚攞唔到個雪櫃乾淨企理夠凍，放心食。
富田和食亭的相片 - 藍田)

5點15入座食到7點，聽落無兩個鐘嘅放題，其實都夠哂時間食到飽，食物衛生，算多款同味道唔錯，亦無叫無漏單，百幾蚊位好合理，有下次。

============================================

感謝 yuchiro 提供以上資料

============================================

~END~

人均 $163.00

商店	富田和食亭 (藍田店)


(0)	(0)	(0)