套餐好抵食！ SeeWide

同一位熱愛日本料理既朋友黎到賀喜食晚餐，
不過當然係依位朋友帶黎依到食喇xp
好少黎美孚既我都對今次餐廳感到驚喜～
賀喜的相片 - 美孚)

環境唔算好大，位置之間會較擠迫，裝橫擺設較新穎，缺少左幾分日本料理店既風味呢～

賀喜的相片 - 美孚)

除左散嗌之外仲有定食套餐，價錢相對比較優惠，而且每人嗌一款一齊SHARE已經好足夠～

芒果蟹籽沙律，芒果非常香甜，蟹籽既份量夠多，沙律鮮甜又夠爽，
最出色係芒果呢～淋得黎又甜絲絲，同沙律都幾夾

御膳D，先會黎一盤刺身，三文魚肥美鮮甜，件件都係厚切嫁！
帶子，肉質軟滑，中間夾住檸檬令檸檬既味停留左係帶子身上，
玻璃蝦，有腥腥地既味道，仍可接受，口感較黏稠

另外仲有一小碗關東煮、白飯同麵豉湯，關東煮味道較咸，同飯一齊食都唔錯

朋友嗌既御膳F，刺身拌飯，份量相對地多，另外仲有串燒同甜品

汁燒魷魚筒，口感煙韌，味道香口，腳位比較硬，燒汁同魷魚係完美配搭
建議熱食，凍左魷魚會變得硬實難咬開～

然後大家又嗌左幾款壽司試下，最驚喜既係鵝肝壽司，
鵝肝肥厚，煎得脆香，入口即溶好軟淋，香味漂逸very good!

抹茶芝士蛋糕，抹茶味好濃厚，口感唔算太軟滑，唔會有抹茶既甘苦味～

============================================

感謝 chickenandpp 提供以上資料

============================================

~END~

商店

賀喜 (美孚店)


(0)	(0)	(0)