深夜宵一宵 SeeWide

等朋友收工後一齊去食宵夜，不過好多地方都就關門，
誤打誤撞搵到依間深宵食堂，見個名叫到深宵食堂，應該專食深宵？
上到樓上睇埋營業時間，OK時間岩岩好，就入左去住低喇！
深宵食堂的相片 - 銅鑼灣)

門面有幾分日式居酒屋，入到去除左環境之外，
食幾野同居酒屋差唔多，係大家宵夜既好去處！
深宵食堂的相片 - 銅鑼灣)

環境唔算太大，亦有卡位同枱吧位，室內係比較休閒既裝飾，而且有部電視機睇住送飯

深宵食堂的相片 - 銅鑼灣)

分左食物同飲品兩張餐牌，二話不說緊係揀野食，食物都以日式串燒為主，
另有小量蔬菜同飯類選揀，因為大家都幾肚餓，所以都揀左唔少野黎食

烏龍茶，為免大家食得太油膩，飲品就揀左毫無油份既烏龍茶，
不過冰落得比較多，沖淡左個茶味，而且唔想太飲凍野，下次要嗌走冰

芝士蟹肉玉子燒，香熱既玉子中間包住芝士同蟹肉，以茄汁寫上深宵字樣，
店家既招牌菜式一定要食！玉子軟淋蛋香味好重，半凝固既芝士再加蟹肉，香甜回味，
茄汁做番個調味，令味道更豐富，玉子燒既份量都幾大件，值得一試！

一切開就見到流心既芝士蟹肉，望住都覺得吸引！

胡麻蕃茄，自從我食過依兩款既配搭之後就深深愛上左～
新鮮多汁既蕃茄配上酸甜開胃既胡麻醬，兩種都係酸既味道但就係特別夾！
胡麻醬令蕃茄更fresh，同時令胃口大開～

煙肉荔枝卷，依個配搭對於少食居酒屋既人黎講會覺得新奇，
荔枝清甜多汁，煙肉較乾身帶咸，一齊入口可以中和左個感覺，
但同時依然又感覺到唔同既味覺，口感豐富。

冬菇，燒成微焦，氣味亦焦中帶菇香，冬菇口感爽身，覺得唔錯，但價錢偏貴。

燒鯖魚，好少食燒魚既我被朋友說服左，食完覺得有驚喜～
先落幾滴檸檬汁，鯖魚鮮香入味，點上配汁味道更佳，唔會話好多骨，
中意食魚既朋友應該好中意～

一口牛，必食之選！賣相擺位好搞笑，而牛肉粒既味道令人回味無窮！
每粒既分割都好均勻，牛粒香濃入味，口感煙韌得黎唔油膩，但肉汁唔太多，
一個字，正！好想黎多兩串，但價錢相對上會偏貴。

汁燒牛肉飯，一個普通飯碗既份量，相對地貴，不過味道都好有水準，
牛肉香味濃厚，同燒汁好配，對比起吉野家真係隔幾條街。

============================================

感謝 chickenandpp 提供以上資料

============================================

~END~

人均 $250.00

商店	深宵食堂 (銅鑼灣店)


(0)	(0)	(0)