地道意式美食 SeeWide

住處附近的《Pizzeria Jacomax》是筆者最常光顧的薄餅店之一，所以餐牌上有好幾款 pizza，例如以半溶藍芝士及蘋果薄片搭配的 Gorgonzola & Apple、用上鹹香銀魚柳、酸豆及黑橄欖做餡料的 Siciliana、內藏新鮮蔬菜及風乾火腿的意式餡餅 Calzone 等，全部都品嘗過。近日從網上得知，餐廳全線改名，只用一個字《Jacomax》，而且更剛於四月初在灣仔開咗新分店，所以這晚趁友人有空檔，特意約他來新店共餐一敘。
Jacomax的相片 - 灣仔)

新開的《Jacomax》座落於灣仔軒尼詩道 68 號，來到時，見門面比鰂魚涌店光猛，走近一看，原來門口有個開放式廚房，客人更可以透過玻璃窗近距離欣賞廚師的手藝。推門內進，用餐區和廚房以水泥及紅磚為主調，布置充滿特色，明顯走年輕路線，牆上掛有充滿玩味的掛畫，配襯四周色彩繽紛的裝飾，為店子倍添姿采和活力。
Jacomax的相片 - 灣仔)

到訪當晚，由於剛巧有客人外賣薄餅，所以筆者亦立即駐足觀看，見意大利籍廚師將已發酵的麵團用麵棍輾平，之後把餅皮拋薄，塗上茄醬，並鋪滿各種餡料，製作非常認真，一絲不苟。
Jacomax的相片 - 灣仔)

入座後先翻開熟識的餐牌，熟識？皆因餐牌上的食物同住處附近的鰂魚涌店，基本上是一模一樣的。先點來一客我至愛的 Grilled chicken wings 黑胡椒烤雞翼 ($54) 作為前菜，雞翼一客有 5 隻，分量雖然唔算好多，不過最令我回味的地方，就是每次點吃時，雞皮都烤得十分焦脆，咬一口肉汁隨即爆出。立即叉起－隻入口，雞翼醃得非常入味，而且燒得皮香肉嫩又唔嚡口，咬下啖啖 juicy，配上面頭的黑椒粒，惹味刺激，是筆者心水推介。
Jacomax的相片 - 灣仔)

Pizza 是餐廳的招牌菜，當然不可錯過，其實有好幾款薄餅，筆者之前都已經試過，知道友人愛吃牛，所以特意為他點了這款 Jacomax Pizza 牛肉燈籠椒番茄芝士薄餅 ($160)。個 Pizza Toppings 用料好簡單，絕不複雜，而且亦稱不上大堆頭，只有香草牛肉、燈籠椒、意大利番茄和水牛芝士等，另外還加上熟蛋。先拿起一塊品嘗，餅底頗薄，餅芯有點煙韌，食落帶啖啖麵粉香之餘更夾雜著陣陣 mozzarella cheese 的濃香，而邊位口感就較脆身，配上牛味十足的碎牛肉，吃起來既足料但又食材分明，令人愈食愈滋味。
Jacomax的相片 - 灣仔)

意猶未盡，決定再點客意粉作結，友人看上了這款 Broccoli and Bacon Penne 西蘭花煙肉長通粉 ($105) 而筆者就鍾情 Norway Smoked Salmon with Asparagus Spaghetti 挪威煙三文魚蘆筍意粉 ($132)。友人說：就豪氣點，一於兩款叫曬，食唔曬有我包底。嘩！太好了。就先吃以白汁、西蘭花及煙肉煮成的長通粉。Penne 質地頗挺身，吃起來有嚼勁，而且撈拌後面頭全被白汁沾滿，入口又不失彈牙感，交足功課。至於挪威煙三文魚蘆筍意粉，味道亦相當對辦，已切碎的煙三文魚，肉質雖然唔算好嫩滑，但調味適中，入口不會過鹹，配上翠綠清爽的蘆筍和彈牙的意粉，帶田園氣息，食味亦不俗。
Jacomax的相片 - 灣仔)

雖然這晚吃的款式不多，但整體上，餐廳由環境、食物以至服務都頗有水準，加上定價合理，也會推介附近上班的朋友去一試。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $248.00

商店	Jacomax (灣仔店)


抱歉，發生點錯誤。重新載入


(0)	(0)	(0)