吃一餐健康的便飯 SeeWide

從前中學的時候，永遠喜歡扮大人。

番學要帶水杯，要夜番屋企，大時大節要出街玩得盡興，好想周圍去，番學冬天要俾毛衣扮大人的孖襟，這一切切中學的回憶，除下眉頭，卻上心頭，十年後大概就是這樣唏噓，的士佬唔識普通話會冇生意，有小組檢查你有冇違禁品。

傻啦，十年後的事又怎會想到，以前想學大人係酒樓叫餸食飯係一件好型的事，而家出左黎做野先知原來其實好少食中菜，朋友食飯出街見客幾多都是食日本菜韓國菜火西餐等，中餐，真係少之又少。

特別係傳統的酒樓，更加唔係成日有呢個機會。以前小時候如果吃酒樓的飯，因為太窮（雖然而家我都係窮撚，但係起碼有少少收入）從前吃你都是飽肚冇營養，梅菜扣肉呀，鹹魚蒸肉餅呀，炒豬雜呀，扮大人要飽就係食呢啲不健康的食物。

小時候可以吃，大個了，健康才是首要，出外吃晚飯，有時候清淡為主。今晚，來到御名軒，經歷了上次的春茗晚餐後再次來吃個飯局，如果要我說喜歡這間餐廳的一個原因，我會係佢個location ，當地鐵站一出就可以吃到那個實而不華的中菜，絕對是方便如係屋企樓下的餐廳。

用香檸來做的枇杷鴿會係什麼味道，香檸枇杷鴿$58給我幾大的驚喜，至少感覺比平時燒乳鴿會清新多一點。
御名軒的相片 - 天后)

蜜汁叉燒皇/$98，這裡的叉燒當然不是那些什麼米芝蓮級數，但非常厚而又燒得香和脆邊，價錢平大半，你邊會覺得唔好呢。
御名軒的相片 - 天后)

苦盡甘來/$88，南瓜和苦瓜加埋一齊炒你有冇想過係乜野味道，其實我到而家為止都仲未好鐘意食，不過今晚的半生瓜卻是好吃得很，甘美的鮮味，一點也沒有苦澀的感覺。
御名軒的相片 - 天后)

杞子蒸窩豆腐/$118，人大了，當然不可以常吃大魚大肉，舌頭開始喜歡細膩，壽頭牌話健康最重要，杞子和蒸窩，係養生和治陰的共同體，還有滑滑的豆腐，送飯就是一流。
御名軒的相片 - 天后)

大約健康都是一個主題，當晚朋友愛健康的都不喜歡吃這麼多肉，於是咕嚕的菜式都轉為非肉類，咕嚕明蝦球/$148都是新菜式來的。
御名軒的相片 - 天后)

波爾多燴牛尾/$128，呢個非常西餐嘅名子絕對是今晚最邪惡的，那個燴牛尾燴得絲絲入扣，那個牛尾入口有嚼勁得很，波爾多個個汁好味得用來煎扒，如果可以的話可以飲杯紅酒就更佳。
御名軒的相片 - 天后)

那個牛尾汁滲過的蘿蔔和西芹是最好的精華。
御名軒的相片 - 天后)

芋頭梅子鴨，老實講，聽佢個名我完全唔感興趣，首先鴨唔太好，芋頭梅子兩個調味興趣也不大，不過造出來的結果卻令我驚喜，梅子香沾上每件鴨身，送飯就是一流。瑤柱蛋白炒飯/$98，今晚的飯腳都不是飯筒，我嚷著要吃一點澱粉質，還有我記得吃過瑤柱蛋白的炒飯好清好乾爽，貫徹今晚的養生之道原則。
御名軒的相片 - 天后)

最後當然少不了點原桶豆腐花/$68，豆腐花就是滑滑的，加上一點黃糖或糖水，簡單就是美，可惜豆腐花唯一缺點係要等好耐，也許我實在老了，吃得太夜回家絕對是有違我們這些老人養生原則，吃完就想立刻深歸，吃完一餐健康的便飯，乘車回家途中，我想起小時候學大人食飯的自己，那刻感覺大約只有四個字，時日如飛。

御名軒 Royal Legend

天后電氣道22-52號金殿大廈1樓

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $320.00

商店

御名軒


抱歉，發生點錯誤。重新載入


(0)	(0)	(0)