☼ 風和日麗 一家人燒野食 ♥ 小欖燒烤樂園 BBQ by the Beach ☼
|
![]() |
Kawai
2016-04-19
868
0
|
分享
收藏
上星期日,爸爸媽媽忽然說天氣好好,好想燒野食,咁瞓醒都11點幾,根本就買唔切食材,人大了,好難再即興地約齊人,既然是這樣,我們就上網找找看,最後決定選了近我們家的小欖燒烤樂園! 這個是包食物任燒的燒烤場,收費為每位成人平日/周日 $110/130人, 入場包一支水及飲品券,開爐費$30 包碳兩包,當試過自己帶食物的話,這價錢也算合理。 裝修有點遊樂場Old School 的感覺。 在櫃臺付了錢,會即時每人派水一支及一叠券,包括燒烤用品,食物,開爐紙等。 自己揀好爐,店員就會幫忙用火槍起火,不用再自己慢慢透火,雖然我記得Daddy 透火好叻!哈! 旁邊是換領食物及用具的地方 食物種類都幾多,大概有20-30款 用具包括了蜜糖,燒烤叉,食物盤(銀色放生食),刀叉及碟, 連紙巾手套也有供應,好細心!真正可以什麼也不帶哦! 拎左第一輪食物,蔬菜只有翠肉瓜,粟米,青椒及茄子, 肉類選擇比較多,說得出的也有供應喔!另外仲買左秋刀魚及蜆。 我地開始了,識當然係燒腸仔(貪快熟!哈!) 嗰日有啲海風,加上有上蓋的燒烤場,所以都幾舒服 蜆肉可以用錫紙包著來燒,但我Daddy 決定就咁燒, 不過燒野食就係亂黎~熟就得啦!同部隊鍋的原理一樣~ 蜆肉咁樣燒,乾囉~建議大家都係用返錫紙啦! 秋刀魚,係預先已經調左味的,因為蜆肉乾晒,所以今次都係用返錫紙, 味道甜甜地,有點似鰻魚汁的味道,咁樣燒都幾特別! 我覺得最好食係雞翼同叉燒!調味唔會好咸,肉質好嫩滑~ Daddy 就喜歡咖哩豬扒,食左好多好多 其實我覺得燒魚肉燒賣是好好好食的!個皮燒到脆卜卜,入面軟淋淋,正! 好食的雞翼再加上Daddy技術,正到喊~ 因為我妹是素食者,所以買左蕃薯($10),蕃薯皮比平時在街市買到的薄身, 味道非常甜美,好值得加錢試! 記得幾年前來覺得洗手間都幾污糟,今次再黎,發現個洗手間乾淨左好多好多! 小欖燒烤樂園 BBQ by the Beach 屯門青山公路小欖段DD384 LOT253 星期一至五: 14:00-01:00 星期六至日: 11:00-01:00 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB@Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
商店 | 小欖燒烤樂園 |