|
荃灣。心夜來潮
|
|
Yanomi
2016-04-22
579
0
|
分享
收藏
4月16日(星期六)~平時有時間..我鐘意上網搵定d食店 等老闆放假..又去開果區可以試下~搵左唔少都未去 好似依間"心夜來潮"~之前睇左想搵日去開旺角試既 話去試試試..試到荃灣都開左分店~咁唔駛出去試啦! 同老闆講..如果想試既食店~全部係荃灣開晒就好啦 佢諗左一陣! 話我依家串人既技巧好高喎(哈哈) 不過話分兩頭~近年都想係本區發掘多d好食店 唔駛下下想食又特登出九龍/過海(食餐飯最緊要方便~隨時食到就最好) 晚餐@心夜來潮~食店用木檯櫈..設計格局幾客棧feel "家常牙籤雞"($26) 雞肉好嫩..面層粒粒薄脆~炸得金黃香脆..香口惹味 "酸菜門鱔魚湯"($68) 肉質新鮮有魚味..魚皮厚厚有咬口~係比較多細骨 湯底酸菜味突出~好開胃 "小米餃(伴蠔油)"($22) 皮層同粉果一樣~煙韌但都幾厚身..部份仲破皮 入面包裹豬肉餡..無肉汁帶乾~點蠔油味道一般 伴辣椒醬較為好吃(上圖仲伶伶丁丁有粒餡肉) "手工捻面猴"($32) 湯料有蝦米,乾魷魚,冬菇, 菜圃及麵片 麵片半厚..口感幾滑~份量足夠易飽~湯底清淡無特別感 餐牌仲有好多食物幾吸引想試~不過lunch份量太多 夜晚試唔到咁多款~其中有個蟹粥..見細鍋都好巨 另外仲有醬鹵鴨, 鍋燒肉, 燜豬手雞都想試呢 整體食物唔錯~小米餃就一般~人手唔夠..服務不過不失 食店仲有免費茶(有普洱,綠茶,功夫茶選擇)(總消費:$163)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 心夜來潮 (荃灣店) |