炭燒放題 SeeWide

凍冰冰幾個人去燒烤最好！但唔想去咁遠， buddy 有好介紹wow，佢話去尖沙咀就得了！
伊賀日本燒肉料理的相片 - 尖沙咀)

係日式燒烤放題，原本凍冰冰唔想坐室外，但一來朋友話唔想室内咁焗，二來店方推介我地室外，室外係用炭爐，有風味啲。
伊賀日本燒肉料理的相片 - 尖沙咀)

好特別，呢度用pad 機點野，夠矖環保，唔洗好似平時放題咁成日要填紙，一兩樣野就寫一張，一餐起碼二十張。

另外，佢有幾個categories, 分别係刺身，小食，炸物，酒類(另加錢)，野菜類，飲品類，壽司同燒肉類。每個category 都有十幾款。
伊賀日本燒肉料理的相片 - 尖沙咀)

嚟到當然食燒肉先啦！燒肉類有豬牛羊雞魚等，尤其是牛，有得選唔同部位,例如牛肋肉，正方一口牛柳粒，牛舌，牛肋肉，牛小排等。每款都切得整整齊齊，肉都很鮮紅，肉質食落易咬開而且鬆軟。片片不太大，燒落又容易熟，又可以食多啲唔同款的！
伊賀日本燒肉料理的相片 - 尖沙咀)

天婦羅除左一般的蕃薯，南瓜, 蝦等，我喜愛既係大大條既蟹棒，外面炸得脆脆，裏面卻軟軟的，對比較大。咁！另外有章魚小丸子，不過都係炸的，裏面係香噴噴的粉漿同魷魚粒。
伊賀日本燒肉料理的相片 - 尖沙咀)

此外，還有豬頸肉，黑椒雞翼，台灣腸，芝士腸，羊架等。
伊賀日本燒肉料理的相片 - 尖沙咀)

真開心，食燒肉，有刺身！我叫左三文魚，帶子，甜蝦，我地四個人，每樣叫左八片，佢真係俾足，唔會就人數俾少啲。啲刺身一啲都唔“濕碎”,味道都幾好，甜蝦帶頭，仲大大隻，肥美鮮甜。
伊賀日本燒肉料理的相片 - 尖沙咀)

蔬菜時間到，有香茹，菠蘿，粟米同我地個個都鍾意嘅蕃茄,蕃茄多汁，燒完個皮就脆而裏面就爆汁，正。菠蘿用炭爐燒仲有焦香味，份外鮮甜.
伊賀日本燒肉料理的相片 - 尖沙咀)

三百幾蚊有任點燒烤之餘仲有任食刺身, 食到我地肚都脹之餘,仲暖笠笠.tim.

============================================

感謝 MonkeyHin 提供以上資料

============================================

~END~

人均 $280.00

商店

伊賀日本燒肉料理


(0)	(0)	(0)