|
美好的一餐
|
|
MonkeyHin
2016-01-12
272
0
|
分享
收藏
一個舊同事嚟開觀塘做野，提早一晚同我同另一同事講，餐廳佢訂。 因為佢想食蠔，所以訂了這間位於亞太中心三樓的曼克頓餐廳。 凱撒沙律伴挪威煙三文魚 首先店將挪威三文魚拼砌成玫瑰花，片片大塊羅馬沙律菜很新鮮，最正係好多片裝巴馬臣芝士,令生菜添了濃濃芝士香味,又有啲軟軟麵包粉中和返. 總共叫左四款蠔，分别係 Scottish Cumbrae, US Taylor, KYS Marine 同 Gillardeau。 我就食左我鍾意的 Taylor 同 法國Gillardeau. 來自美國屬太平洋海的Taylor 石蠔，肉質介乎爽脆同creamy之間，肥美得來又精細，海水味就清新同較淡。Gillardeau 味道濃郁，肉質算是肥美，結實而有彈性，口感爽脆鮮甜，海水味柔和不濃烈，富層次感。 叫左杯野飲， Flaming Lamborghini 有三個層次，第一層 Kahlua 第二層 White Sambuca 同第三層 Blue Curacao & Bailey's,將呢三個層次分開杯。 首先將Kahlua 放在馬丁尼杯，然後點著放White Sambuca 的杯與藍色嗰度一路倒入Kahlua 杯繼續燃燒，火焰一路燒起，大家都好興奮！ 待火焰慢慢減弱，可用吸管品嚐。酒有少許咖啡及雲呢拿味，較重茴香既味道同微微炭味。呢杯飲品比較甜， 但飲完很暖身，非常適合冬天時間飲。 US Choice Striploin Grill得很靚而且有炭燒香! 旁邊位置較肥，舊同事不顧一切咁切左來吃，大讚香口。 而扒本身有一定既厚度，熟度剛好，重牛味，一啲都唔鞋，仲有少少我鍾意既血水之餘，有嚼勁得黎外層仲香口添! 呢間的甜品都唔少，我選左我最鍾意的雪糕新地同朋友鍾意的Brownie. 我真係好鍾意食雪糕的, 曾經有同事問我, 你有邊日唔食雪糕 ga?因為呢一句説話我反醒左, 食少左少啲.但今日咁開心, 唔緊要la~ 雪糕有開心三色, 士多啤梨, 朱古力同雲呢拿味. 總覺得呢三個色個雪糕有啲magic, 分開食無咁好食， 三個味一起食家，濃，清新同奶香互相配答，總叫人忘形。 朱古力布朗尼 超濃朱古力，不太實比較軟身，送上時係暖身的，貼近蛋糕質感，有點窩心，而且唔太甜，好岩食。 加埋雪糕新地食仲完美！ 舊同事說呢份工辛苦左好多，今晚既晚飯約會簡直好似可遇不可求一般。他很開心揾到一間岩食既餐廳，又静又有氣氛，服務員細心有禮貌，讓我地可以好好咁傾返晚了。 題外話/補充資料 服務一流, 尤其是經理, 細心
感謝 MonkeyHin 提供以上資料 MonkeyHin 的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$350.00
| 商店 | 曼克頓餐廳 |