耀華街之嘗尚鮮 SeeWide

去銅鑼灣開左兩個會，有個銅鑼灣同事問我不如一起食飯，佢話不如打邊邊，我話好啊！佢就帶左我去呢間店 -- 尚鮮！
尚鮮火鍋海鮮料理的相片 - 銅鑼灣)

因為我地去時太早，所以未有人，但因為無book位，所以無得坐電視位，電視位好吸引，除左可得閒望下電視外，間格到有獨立空間感。
尚鮮火鍋海鮮料理的相片 - 銅鑼灣)

同事話少少驚熱氣，不如叫個清啲既莞茜皮蛋湯，雖然佢驚熱氣，我都一於少理，叫左即炸響鈴同釀手打墨魚油炸鬼.
尚鮮火鍋海鮮料理的相片 - 銅鑼灣)

即炸響鈴黎到時是有啲暖暖地????，一個話驚熱氣的人二話不說夾起放響自己個口，脆喔喔，感覺似雲吞皮。。。食得佢鬼咁開心。而我當然鐘意放落湯三秒半淋半脆啦????而釀油炸鬼就咁食就好，但如果拎去湯就淋了，唔似我以前試過的煮完都脆.
尚鮮火鍋海鮮料理的相片 - 銅鑼灣)

脆鯇魚片

魚片十分光澤, 新鮮, 熟左後有啲似鱔片, 魚味濃, 仲啖啖肉.
尚鮮火鍋海鮮料理的相片 - 銅鑼灣)

兩種手打丸

一款係甜薯墨魚丸

手打墨魚丸包住一啲甜甜蕃薯蓉，墨魚打得爽口彈牙
尚鮮火鍋海鮮料理的相片 - 銅鑼灣)

另一款係芥末籽鮮蝦丸

我一向都鍾意食芥末籽，唔供鼻之餘，仲有少少卜卜卜咁嘅感覺，佢地好有創意咁用芥末籽做餡，但蝦丸就無手打墨魚咁爽，有微粉。
尚鮮火鍋海鮮料理的相片 - 銅鑼灣)

洛神花蜜

洛神花自己沖通常飲都好酸，呢度酸度同濃度剛好之餘，加埋適合既花蜜, 簡直好似飲到2種花香, 甜中又有幽香, monkey 霸住飲=.=

田園盛（新鮮茹同菜籃）
尚鮮火鍋海鮮料理的相片 - 銅鑼灣)

鮮甜的廣島蠔

芝心獅子狗丸

超流心芝士響空心獅子狗內，香滑芝士，食完想再食第二粒。
尚鮮火鍋海鮮料理的相片 - 銅鑼灣)

打邊邊點少得竹笙啊，白白淨淨同條條爽加索晒啲湯汁。
尚鮮火鍋海鮮料理的相片 - 銅鑼灣)

最後係珊瑚虴

珊瑚虴塊塊夠大，唔會碎濕濕，不過我呢個湯唔夠濃cover唔到它本身的腥味。

呢度位唔多但寬敞，坐得唔駒謹。但下次來，一定要坐電視位

============================================

感謝 MonkeyHin 提供以上資料

============================================

~END~

人均 $350.00

商店	尚鮮火鍋海鮮料理 (銅鑼灣店)


(0)	(0)	(0)