|
如果可以。。。
|
|
MonkeyHin
2015-09-01
326
0
|
分享
收藏
| 如果可以在人生中回到一個以前的時刻，你會選邊段？俾我選, 我會選擇在澳洲讀書那四年~ 係我人生中最自由的時間… 今晚朋友話想過來觀塘同我食飯聚一聚, 我叫他在openrice揀, 他揀了Bondi…. 去到, 餐廳放左一d澳洲既相同畫像, 睇到Bondi Beach張相有很多回憶, 記返第一次去Bondi Beach的同伴, 之後食的餐廳…… 我地被安排到餐廳的中心位置, 餐廳較暗, 亦發現到有一間房仔, 好適合一大班朋友玩同食. 芒果鴨胸沙律 一片片無皮鴨胸, 一d唔肥, 啖啖肉, 沙律菜就少左d, 份量約一個拳頭咁多, 1/4個大芒果, 芒果味道甜, 但建議切好粒上碟, 不用客人拎起芒果切皮, 令客人整污糟手 羅勒，香茅白酒炒鮮蜆 蜆搭到好似個塔咁，攞左啲心思分！ 蜆大隻而鮮甜，有濃濃既羅勒同香茅等香草的香味，但白酒就應該揮發了.只有微微的酒味. 澳洲殼飼肉眼扒配香草燒汁 牛塊份量不太大, 較厚身,大小像手掌咁大 生熟度剛好, 但唔淋, 可解咁就係有咬口?(安慰自己的説話).....仲有少許鞋身, 牛同血味唔重. 牛肉上面放左鵝肝酱.... 一向覺得鵝肝酱麻麻的 有 mustard 襯托令牛扒感覺鮮味點, 呢個mustard較mild, 唔辣, 不過有seed mustard仲開心 鮮三文魚白酒汁意粉 朋友叫的，個sauce較creamy同thick, 三文魚煮得唔太熟更顯鮮味. 我叫的Cappuccino, 拉花拉出一隻靚靚天鵝,有啲唔捨得飲！ 個咖啡好strong,奶打得滑，奶同咖啡既份量好啱，覺得係我在觀塘區的cafe中最好既cappuccino!值得一讚！ 朱古力蛋糕 本來想叫Brownie, 但那晚無供應,所以點左朱古力蛋糕, 呢個應該係買回來的, 超濃朱古力味, 密度高好黏的, 朱古力蛋糕上有一層結左的朱古力溶漿, 味道都可以的 一個超騎呢朱古力窩夫 外貌已經不吸引, 勁似小朋友上甜品班整甜品咁... 個窩夫好硬, 似隔夜加風乾左的硬粉...問及職員, 他說是因為鮮製窩夫(用粉黎放入窩夫機)之後拎去焗, 所以咁.... 我好肯定!!!!一定!!一定唔係鮮製的!!!!請唔好欺騙觀衆 =.= 最後, 最令我失望既佢地既服務態度…. 由入餐廳被安排座位, 點菜, 問野, 叫refill水到選甜品, 他們都黑口黑面, 粗聲粗氣, 好似not welcome人咁 (尤其唯一一位女店員和長髮男店員), 感覺像不耐煩，我地阻住佢咁。嗰碟手掌咁上吓大既steak要二百四十八蚊，不算平，我地嗰餐每人超過三百五十元, 而得到咁既"下場", 工廠區之餘, 坐D野又唔係舒服...只能吞聲忍氣, 簡直"令人留下深刻印象"啊!
感謝 MonkeyHin 提供以上資料 MonkeyHin 的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$365.00
| 商店 | Bondi (觀塘店) |