|
小黑
|
|
MonkeyHin
2015-01-26
281
0
|
分享
收藏
| 聖誕前的銅鑼灣真係迫爆, 行到邊迫到邊. 朋友話要去D靜少許既地方食野偈一偈, search 一search就去試下遠少少既串燒店避靜. 其實都唔係好遠, 就係好味的v字頭綠茶雪糕店再行入少少. 去到原來係一間有open window的bar and restaurant我地被安排到最入的位置。 人見人愛屬店的為食黑狗仔.俾人摸又得，不停影又得， 常常企高望客人食d乜, 正一胃食仔！ 店內本來較黑, 店員見到我影左一陣好好咁開左燈俾我影, extra service wow★★ 坐位不多, 但有d warm 的感覺 不知道為什用這"豬人"做封面的menu 鮟鱇魚肝 店員推介的, 她說呢排的較靚. 無講錯, 很香魚油味同魚肝味, 加上清新柚子汁同小蔥粒, 中和肥膩感. 雖然好有罪惡感, 但忍不住一粒又一粒偷偷放入口✿ ﹒﹒‧°∴°﹒☆°．﹒‧°∴°☆．﹒‧°∴° ﹒﹒‧°∴°﹒☆°．﹒‧°∴°☆．﹒‧°∴° 玉子燒 $58 平日喜愛玉子燒, 唔...呢度要進步少少. 燒得唔夠之餘, 唔夠甜加埋就係唔夠香呢. 和牛他他 呢個都係我平時見到都會叫的!牛香味濃, 在上面的粒粒明顯新鮮的幼香葱粒和下面一絲絲的生洋葱“夾”住，無論味覺同口感都有著多重享受！ 碟上有著少許微酸的醬汁襯托，這配答醒胃加上又爽“雙葱”和入口即溶的和牛，令口腔感到無比複雜。 唔講俾你知係乜先，你地估係乜？ 豆角？ 錯！ 秋葵？ 錯！ 係日本青椒仔是也 （$24）…… 燒得外面乾而微脆，內裏仲係濕潤， 內裏的籽不多。 呢隻無平時食開的咁重嗰 “青”味，有燒烤味而又清新，簡直係“燒物”中的“青泉” 燒飯團 $38 可能近聖誕成日成日食肉，唔想食咁多肉，但個肚都仲總覺有點空虛感。平時唔係好食飯落肚既我，被明太子吸引住，叫左明太子飯團。Out of expect, 飯團都係燒左既，燒得香香，頂部有點明太子，旁邊有牛旁漬物。 打開裏面，有很多明太子，放入飯團內一起食不會太鹹。個外皮被燒得很脆很脆。脆得不得了，我每食一啖就讚一次很香脆同，朋友都覺得我煩...哈哈 Monkey覺得呢個係必食item! 燒廣島蠔 $48 來到時，個樣好似燒焦左點，但食落唔覺，蠔味重而鮮。外面焦而裏面仲係蠔的水份多，"咇"，十分滋味。 在暗角，唔係見到七個警察，而係遇到一間價錢ok，優靜而有點情調的日式串燒店，不覺自己處於繁囂的銅鑼灣之中。
感謝 MonkeyHin 提供以上資料 MonkeyHin 的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$178.00
| 商店 | Bilibala Yakitori Bar |