|
招呼周到又抵食
|
|
LizzyC
2015-07-27
345
0
|
分享
收藏
| 雞煲雞煲雞煲(非呃字數) ！ 要連寫咁多個'雞煲",除咗抒發個人對雞煲ge 熱愛之情，仲有就係點題~冇錯，今次朋友介紹"前家樂"! 寫食評前，小讚一下啲待應們，好有耐心介紹菜式(雖然有d 過份熱情) 服務態度良好ge 餐廳點都易令人返尋味 d! > 麻辣雞煲 同朋友4人，撼稱完美ge 雞腳人數，而最perfect 係大家都唔係好"辣"之人，所以見到不得不試ge 麻辣雞煲，異口同聲叫小辣~~ 不過呢個小辣對Lizzy 嚟講都真係中辣級，初頭都仲 handle 到，之後就真係hold 唔住要狂灌水~不呢種辣係好過癮！而整亂嚟講，個煲ge 湯底做得唔錯，幾惹味但又唔會令你覺得話太鹹；個雞值得讚，好滑好嫩，overcook 都keep 到個口感，唔會"鞋"口！不過要挑剔的話，你亦可以話呢種穩ge 水準係欠缺咗啲特色同驚喜~ 配料： 加拿大肥牛 好味，肥瘦肉分佈尚算均稱，食得出唔係普通級肥牛，一入口就湧出香濃，即時我辣到舌頭有點麻都食得出！ 黑豚腩片 唔建議order, 唔sure 係咁啱我哋食嗰日定來貨問題，黑豚完全唔似黑豚ge 脂肪分佈，感覺似係中國d 五花腩一樣，肥同瘦肉比倒係8比2,食慾見到都大減~重點係冇豬肉味@@令人費解 牛肩肉 俾讚！脂肪分佈一睇就知靚仔，一碟 又足料又有質素~有咁吸引ge 內在，食落口當然都唔會令人失望，牛味冇加拿大肥牛咁濃(因為肥牛脂肪香味會重d), 但牛肉本身ge香味就有過之而無不及~大like<3 日本蠔 個蠔朋友話腥，但我自己都覺得ok, 色澤同味道都算新鮮，一放上枱就聞到個種海水海味~yummy! 芝士竹輪 講真芝士竹輪真係好多香港人都buy, 但卻唔係間間都有呢隻配料~呢間俾我spot 到有，仲問！？梗係即order 啦！味道有平日成開嗰種ge 水準，good! > 烤海魚完魚鍋 個魚鍋，見枱枱都有order, 所以我哋都照跟，其實就分量同味道而言都正正常，但令我同朋友有點不滿ge就係個爐唔太掂，自己熄左好幾次，個火又有啲弱，基本上食晒枱面ge 野7 成左右，佢呢個烤魚都未滾起@@
感謝 LizzyC 提供以上資料 LizzyC 的網誌: http://www.openrice.com/zh/gourmet/reviews.htm?userid=58588379&city=hongkong
|
~END~
| 商店 | 前家樂餐廳火鍋店 (原名 漁民樂烤魚雞煲專門店) |