|
新式意味風情
|
|
chickenandpp
2016-04-23
414
0
|
分享
收藏
| 同朋友去最近大熱既油街實現影相～ 之後就決定係果帶搵食，我地都冇乜機會黎依區，當然唔可以錯過！ 今次就黎到Villa Villa一嚐意大利風味既輕食～ 門面睇落去非常捨意，充滿異國休閒既感覺，入到去可以坐大半日既果種～ 內在環境都令人覺得好休閒，牆上掛滿畫像，而且柔黃色既吊燈多出幾分溫暖感。 自家製意大利香草麵包配野菜沙律，我地先黎左個前菜先， 麵包口感軟熟，可以配上橄欖油同黑醋一齊進食，可以令個包更香口， 沙律蔬菜都幾新鮮，但偏細份呢～ 黃金炸薯條，店員推薦既fusion菜式，以黃金蝦既煮法用係薯條身上， 雖然食物唔同，但食落去係充滿中菜精髓既炸薯條，異常好食！ 薯條沾滿咸蛋黃既沙粒，每一條都好香口惹味，依個方法黎炸薯條既新穎但又有熟悉感， 而且薯條本身都好脆身，可以話係停唔到口！！！不過膽固醇應該立即爆標xddd 煙薰芝士帆立貝意大利雲吞，有別於一般既餃子雲吞，帆立貝煎得鮮嫩肉厚，口感軟淋多汁，一級棒！ 而個雲吞先係重點所在，皮薄得黎又幼滑，內裡充滿濃濃既煙燻芝士香，食過後覺得好難忘， 加上伴碟中既奶油蛋黃汁，令整個口感更加滑溜，不過多耐左會有少少流呢xp 不過依款菜式係每日限量供應，值得一試，想食既朋友可以提早預約～ 煙三文魚蛋黃闊麵，蛋黃闊麵既口感煙韌有咬口，外形似闊條麵， 味道有淡淡既蛋香再加上忌廉同煙三文魚，忌廉既味道帶奶香， 每款菜式都食到餐廳既用心！ 大阪燒薄餅，最後大食既我地黎多個薄餅先夠皮，因為店員話佢地既薄餅係以墨魚汁做餅底， 搞到我地都心思思想試試，而大阪燒既材料主要係木魚花同蛋黃醬，黑色既餅底好吸精， 咬落仲好鬆脆tim，芝士份量適中，食落去香脆，有種食緊日式理料既錯覺，認真唔錯！ Tiramisu，當然唔少得餵飽甜品胃喇～一杯好夠兩份share， 帶微微既酒精味道，口感會有少少鬆散，食到底部咖啡味會偏濃～ 整體上都覺得幾好，甜品都合格xd 荔枝乳酸特飲，價錢相對地比較平，有淡淡既荔枝味，乳酸味佔大多數，飲多左會覺得甜，感覺還好。 整體黎講，食物菜式方面睇得出好用心，好多新穎既特色菜式都好值得一試，食材用料都好講究， 大多數都以homemade為主，值得加許！另外，值得一讚既係，店員恩勤主動，有親和力，會同客人有講有笑，主動提出幫客人合照，講解菜式既時候都好專業，態度極讚！以環境、服務同食物黎講都好推薦去既餐廳～
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | Villa Villa |