|
韓燒控不容錯過！
|
|
LizzyC
2016-04-24
415
0
|
分享
收藏
| 喜來稀肉！！韓燒粉冇可能未試過未聽過未光臨過嘅喜來稀肉！價位雖然算係中高，但依然無阻我同朋友們對美味嘅渴求！更何況仲係佢又開新分店，喺正同事返工附近，咁近～梗要去食返餐啦！ 真心好興奮，問世間美食是何物？直教心食指大動，心動兼想立即行動！起筷～～～～！！ 一如概往，待應先幫我哋開爐，於爐上放上豬油待溶（看著它慢慢溶化，感覺超期待！），同時倒入爐邊蛋嘅蛋漿！ ｜水冷面｜ 水冷面基本上係本人次次食韓菜必點，首先幫自己開開胃，同樣打返個底，唔怕食太多肉太肥膩！呢度嘅水冷面都唔錯，面好彈牙，口感好Q！個湯汁微酸，有少少甜甜哋，吸引！ ｜護心肉｜ 韓燒嚟講，護心肉其實相當矜貴，全因每隻豬只有200~300克（位於豬嘅膜隔膜與肝之間），小方寸但大美味！呢度嘅護心肉亦相當出名，上枱已見到好新鮮，色水好靚仔！紋理分佈好細緻，入口肉味濃，由於油份較少，口感比較柔軟且有嚼勁，有啲似豬頸肉，但味道更香更濃郁！ ｜真雪花牛肉｜ 「真」一字咁大熱，咁呢個「真雪花牛肉」就真係「真」心牛味香濃，首先佢雪花分佈好平均，感覺就似一副畫咁吸引，鮮紅色上點點雪花，真心生食都願！燒大約1分鐘就OK，入口邊浴微焦，口感好特別，超級juicy！ ｜豬皮｜ 豬皮同樣係本人韓燒必order！傳聞對皮膚好，可以補充骨膠原，知識份子嘅我當然知道咁大份子嘅骨膠原係點都落唔到條補皮膚嘅層面，但就味道而言，韓式烤豬皮真係冇得輸，醃製過後甜甜地，又彈牙，好有口感！正！
感謝 LizzyC 提供以上資料 LizzyC 的網誌: http://www.openrice.com/zh/gourmet/reviews.htm?userid=58588379&city=hongkong
|
~END~
| 商店 | 喜來稀肉 Seorae (尖沙咀店) |