酒逢知己千杯少 SeeWide

在黑布街一帶邊吃甜品邊吹水後，有點不夠盡興，朋友話想揾個地方繼續吹，上網search，見mini club好近，之前食過別的分店感覺良好，一於轉場黎呢邊繼續吹。
Mini Club的相片 - 何文田)

堆介朋友飲手工啤酒，上次試過真係好正，今晚揀左peach同apple兩枝，酸酸甜甜，入口順滑，確實是上等之作，唔怪得咁多人飲。
Mini Club的相片 - 何文田)

同行友人大愛生蠔，跟酒有特價，又叫番四隻過下口引先，店員示意coffin bay同white pearl新返，好呀就試呢兩種，自問非食蠔專家，還是讓專業人士決定吧。蠔肉爽口鮮甜，加少少檸檬汁已經十分正，喜歡食生蠔嘅朋友自然明白固中美味。
Mini Club的相片 - 何文田)

德國肉腸拼盤，賣相勁正，多肉多菜哈哈。腸有五款，皮脆肉香，最深印象係辣個條，真係堅辣，入面有辣椒核㗎，另外香草味亦十分正，其實條條都好味囉，點少少芥末醬，茄汁或沙律醬仲正，大家爭住食呀。
Mini Club的相片 - 何文田)

白酒煮蜆，呢個我覺得無上次咁好食了，退步左，汁太咸，蜆又換左做大蜆無咁鮮甜，係個蒜蓉多士保持水準，又香又脆。
Mini Club的相片 - 何文田)

送啤酒又點可以唔叫炸野，呢個炸魚薯條好抵食，有三大塊炸魚柳，真材實料非粉頭魚塊㗎，一大兜薯條，全部炸得香口唔算油，點茄汁同他他醬食，真係好好味，炸魚下仲有沙律菜，食返少少菜葉balance下。
Mini Club的相片 - 何文田)

再追加飲料，strawberry me，勁香甜士多啤梨味，入面真係有果肉，又香又甜，帶少少酒精，好適合女士門飲呀淨係賣相都夠呃like啦。
Mini Club的相片 - 何文田)

另一杯drink mug，係朱古力smoothie，做到好似泥咁，仲有個剷比你攪拌，真係勁cute呀，又係呃like嘅時候。旁邊係酒，落幾多自己揀，呢個酒精都幾重，唔飲得真係唔好落哂。

好飲又好食，環境又好坐，好滿意嘅一晚。

============================================

感謝 yuchiro 提供以上資料

============================================

~END~

人均 $250.00

商店	MINI CLUB (何文田店)


(0)	(0)	(0)