|
鬧市區的半空
|
|
chickenandpp
2016-04-27
304
0
|
分享
收藏
| 難得約到一位好耐冇見既朋友出黎食飯， 大家都想係一間唔錯既餐廳用餐，最後揀左一間有feel有環境既餐廳。 sky726顧名思義位於彌敦道726號既天空上高， 一上黎大家都好滿意，係市區既半空中食飯，特別有味道。 好中意佢個巴黎鐵塔設計，搭上黎一開門就見到，而且牆身都充滿特色！ 超愛影相既朋友，見個場冇人都四周圍影，睇黎都好岩一啲中意影靚景既人黎呢～ 雖然唔係背山面海，但坐係市區既半空中又係另一番感受，黎到一定要坐窗邊位～ Frozen Berry Punch，飲到多種層次既雜莓味，味道又酸又fresh，口感好冰凍，有少少沙冰既感覺 Flirtini，朋友既飲品，好香薄荷味，由一開始到我食完陣薄荷味都仲係到，酒味亦好重，唔會話太大杯，用黎送飯一流 蟹肉雲吞配牛油黑松露大蒜 ，前菜已經不得了，因為預先知道依間餐廳係慢煮， 所以為免大家等得太耐肚餓，所以前菜嗌左個比較飽肚少少既菜式， 黑松露味非常香濃，雲吞皮幾軟淋，內裡係充滿鮮嫩既蟹肉，而且餡料充足，唔得整係得少少 食落去香香既黑松露再加蟹肉既味覺，好有層次感！一碟一共有六隻，價錢相對貴左啲。 南瓜忌廉湯，因為本人唔太好南瓜所以整休飲左幾啖， 南瓜同忌廉既味道應該係1:3，南瓜味唔算太重，不過對於我黎講仍然有啲抗拒 油封鴨脾伴血橙汁，鴨脾多肉肥厚，食落去剛好嫩口唔會乾， 鴨脾惹味又香口，唔洗調味醬都已經好入味，油脂從中分佈出黎，所以口感有少少油， 另外伴菜係藜麥，食落去有香香既蔬菜味～ 龍蝦牛油意大利飯伴虎蝦，意飯既伴汁偏稠，飯粒較硬身，同龍蝦汁完美地混合埋一齊， 食落去啖啖鮮味四溢，酷愛意大利飯既我黎講，個口感係做得好完美，中意佢果隻硬硬地既飯粒感， 另外虎蝦都好新鮮大隻，肉質彈牙，同個飯亦都好match，值得一食既款式～ 焦糖燴啤梨，形狀非常趣怪，啤梨同雲尼拿雪糕都係長條形，開頭以為個雪糕係隻蛋haha 啤梨口感軟身，味道偏甜，會有少少惹甜，而雪糕甜得黎，岩岩好中和番焦糖隻味， 雲尼拿味好出，雪糕比啤梨出色，愈食愈覺得好食！ 整體黎講，環境同食物都達到水準之上，大家都可以上黎依座726黎欣賞依區既繁華市區， 係出面你會見到屬於獨一無二既香港景色，一座座石屎森林，同車輛冇間段不停穿梭， 而自己就身處係半空既建築之中，坐係到食住慢煮意，係時候要令自己放緩落黎喇～
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | Sky 726 |