|
4月27日。記敘
|
|
Yanomi
2016-04-28
761
0
|
分享
收藏
4月27日(星期三)~依日約左下午照胃鏡 因為成日食野吞唔落~卡實係食道..要灌水拍落去 試過最嚴重..灌水都拍唔落~谷到標晒淚水..差d窒息 真係要check下咩事? 通常睇醫生自己攪掂(單聲比老闆知就算) 唔駛佢陪我睇~反正佢又唔係醫生..得個等字(無謂浪費時間ma) 見佢講幾次唔放心~咁我話公司人手夠+唔忙..請到假就陪囉 * * * * * * * * * * 前一晚瞓得唔好~掛住等起身食早餐~因為08:30後禁水禁食 04:00醒過..飲左2杯水~諗住07:30起身..有1hr飲水+食早餐 點知..08:15先起身(剩返15 mins)~無辦法..做左件好dirty既事 未擦牙..整奶醬包即食~再灌3杯水(即刻飽到反肚..開始禁水禁食6hrs) 細個做過全身麻醉照胃鏡~昏睡都痛到醫生幫我抹眼淚 早2年老闆照過係局部麻醉~講到好辛苦+會邊做邊嘔 臨做之前..不停發願! 希望醫生好細心+手勢又溫柔啦 過程係辛苦(但唔痛苦)~全程忍住唔好嘔..谷到眼水都標埋 最尾條喉拔出..即刻嘔到呢(感恩醫生真係好細心+溫柔又輕手) 原本話最好等一個鐘後先食得野~不過好肚餓 拉老闆即刻食tea@New York Diner 格局好美國feel~天花板仲有倒轉大廈做裝飾 "欖油蒜片鮮蝦炒扁意粉"(餐飲"熱檸水")($58) 試左一口..意粉軟硬度剛好~好香蒜味..少油膩感~蝦肉爽彈 "紐約芝士蛋糕"(餐飲"熱咖啡")($38) 好肚餓..但又無胃口~所以少份量食件cake 芝士質感半軟半硬..入口幾幼滑易溶化~芝士味香但唔漏 食完tea..去買餸~老闆欽點晚餐"炸蝦天婦羅" 再欽點食"金沙骨"~街市附近開左間新凍肉店 除左凍肉..仲有BBQ醃好食物~望上去好新鮮喎 味道真係唔錯 原本欽點整"甜椒天婦羅"~我無胃口..食唔落 老闆話一個人食唔晒又費事我要開鑊炸 所以整"椒鹽蝦頭"~順便伴碟當蔬菜食 仲買左秋葵..不過真係無胃口食無煮了 食飯同老闆傾開照胃鏡~佢講左幾次話痛+辛苦 問我到底係忍得痛or真係唔痛? 本身我係忍得痛 同埋醫生既手勢真係好好喎^^
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 紐約客 (荃灣店) |