|
見到胡小姐
|
|
MonkeyHin
2016-04-30
328
0
|
分享
收藏
朋友帶我去食好嘢，正正响我平時唱K的Red Mr上面，原來間食店有好多明星上去幫襯嘅，仲有唔同嘅明星同佢賣廣告，食食下見到Tvb胡小姐上左進餐啊！見到我地幾個即刻心心眼，因為當中有個係佢fans呢！ 我地點左好幾個餸，第一味係咕嚕大蝦球，隻隻蝦都有近兩個五蚊銀咁大，個脆漿皮厚薄 適中，一咬落去就'short'一聲，十分鬆脆，再咬入啲，蝦肉很爽口，唔實肉，而個汁鮮甜，好有水果味，其中菠蘿、三色椒同洋蔥都很新鮮，硬身的脆香蝦球加上鮮香嘅醬汁一起，煮成的咕嚕蝦球，有幾好味？你試下咪知囉. 千葉燴珍菌 原來千葉係指豆腐 有意思，將豆腐切到好似cube的形狀 豆腐個面似炸左，但油溫同時間啱啱好，所以出嚟效果係豆腐唔散，外脆內滑，保留豆腐質感同豆味，技巧實在高超。而珍菌就係唔同嘅菇類，例如冬菇片，雞脾菇，秀珍菇等，全部都切到差不多形狀大小的，個汁有啲似紅燒汁咁，呢味係我最鍾意的。 砵酒美國桶蠔 有我手掌咁大嘅蠔，好肥美，煮嘅粉漿唔厚，亦唔會煮到過火引致肉靱，外脆而入面蠔肉豐厚，重有酒味同少許蜜味，味道調得好恰當，到而家都好回味。 濃湯海皇雜菜湯 湯底好濃白色，飲落好清甜，完全覺得真材實料，店員介紹係大廚用鮮魚特別炮製，啲蔬菜選擇得都好好，唔會上到枱未食，啲菜已經過熱嘅深綠色，溫度同時間控制得唔錯 食完呢一餐，都覺得好滿足，幾回味！ 金竹苑中菜廳 尖沙咀加拿分道25-31號國際商業信貸銀行大廈5樓
感謝 MonkeyHin 提供以上資料 MonkeyHin 的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$350.00
| 商店 | 金竹苑中菜廳 |