|
吉澳塔門鴨洲一天遊
|
|
白果魚神
2016-04-24
1929
0
|
分享
收藏
| 24-4-2016 (星期日) 同班老友參加咗一個由社區舉辦嘅本地一日遊，地點係吉澳、塔門；集合時間係上午08:15，喺西灣河出發；一連落咗幾日雨，天文臺都話今日有大雨或雷暴，我地出門時都帶備雨傘。 天公做美，早上陽光普照，我地喺附近快餐店食咗早餐就上車出發。 唔駛一個鐘就到咗馬料水新碼頭，乘船往吉澳，航程須要兩小時。 上咗船，我地選擇咗上層位置，諗住影相同空氣都好Ｄ。 船航行間有導遊一路講解，不過聲浪過大，有Ｄ覺得炒耳。 「鬼手岩」。 有Ｄ老友睇極都睇唔出舊鬼手岩喺邊度，大人就指比佢地睇，米喺呢度囉！ 原來呢度近住邊境，可以望到深圳嚴田港。 喺呢度住真係好似世外桃源咁樣，好正。 跟指示牌入去行吓先。 小街兩旁都有售買當地特產嘅攤檔同店舖。 吉澳警署。 吉澳廣場牌坊。 參觀天后宮。 導遊講解「門神」嘅典故。 一路行風景都係好靚。 水月宮，供奉（觀世音菩薩）。 又到食中午飯嘅時間。 餸菜都係好普通，不過都幾好味。 食飽飯，Ｄ女人就用開始血拼喇！ 到夠鐘就出番碼頭上船往下一個景點，「塔門」。 開始有Ｄ雨，地上濕滑，各人都好小心落船。 離島都係漁民嘅地方，梗有天后宮喇！ 塔門青年會址。 塔門警署。 到此一遊。 經過天后宮，喺旁邊一條小徑直通往塔門嘅最高點（山頂）。 呢度嘅景色不下於日夲嘅「萬座毛」。 再由小徑行去呢度嘅著名景點，「呂字疊石」。 路邊生長好多假菠蘿。 間唔中都會預到牛牛好休閒咁喺度開餐。 行到黎塔門嘅著名景點「呂字疊石」， 喺呢個位置睇就最清楚同安全。 天氣開始變壞，仲落好大雨添。 嗱嗱聲出番碼頭，上船回航喇！ 經一小時航程就番回馬料水，再坐番旅遊巴番西灣河解散，咁就結速呢次嘅旅程喇。 今次買咗少少尤魚絲番黎，有棘有唔棘，比Ｄ公主嘆吓。 
感謝 白果魚神 提供以上資料 白果魚神的網誌: http://a991952.blogspot.hk/ |
~END~
| 商店 | 塔門 |