|
♥ 我食左小新落肚 ✿ 鐵板先生 ♥
|
|
Kawai
2016-05-01
525
0
|
分享
收藏
| 朋友生日，黎左山林道吃生日飯！四個人叫左一個二人餐再另加一些單點！ 一開始，廚師會把食材放左鐵板旁，俾我地睇下食材的新鮮度～ 當晚我地坐o係吧台，近距離睇師傅泡製美食，近廚得食太興奮了吧！ 等待鐵板燒美食的同時，店員先送上一些餐前小食， 包括左雙色刺身，麵豉湯同埋和風沙律～ 黃金老虎大蝦伴多士 師傅先泡製大虎蝦，它差不多是一隻手這麼長，師傅將兩邊燒熟，細心地挑乾淨蝦腸， 拆殼，再加上咸蛋黃煮醬汁，成品有別於一般的烤物，入口不會好乾， 加左咸蛋做的醬汁好惹味，可以點下面烤過的麵包同食！汁都食埋！勁！ 之後是汁燒大扇貝，原隻燒的扇貝體積有如手掌般大，肉質嫩滑沒有烤過火。 原隻魷魚筒，肉質彈牙不韌，只是醬汁不太入味，似掛在外面，感覺一般！ 之後是單點的四月特價項目鵝肝，不用100元就有4件鵝肝多士，好抵食！ 而且鵝肝是大大件的，絕不嬉場的份量～ 師傅把鵝肝烤得外脆內軟，散發著獨有的甘香細膩，配埋多士超正！ 之後是美國安格斯肉眼扒，師傅好細心問我地喜歡什麼生熟度，我地都喜歡生一點， 所以最後成品是 Medium Rare，既保留了肉汁又不會韌，加埋香口的蒜蓉，簡單的美味！ 食左咁多肉又鵝肝，套餐包括左日式炒雜菜， 有大量的椰菜芽菜等等，切晒絲的雜菜感覺清爽不油膩，健康又好味！ 最後是我最期待的環節！也是我們來這兒的目的！就是黃金煙肉炒飯～ 因為師傅會因應客人的要求把炒飯畫成公仔，當日生日之星揀左小新， 見住師傅用不同的材料砌出卡通人物的輪廓，再加上祝福的字句， 之後仲會安排客人合照，成件究好有記念價值！ 影完相之後會加埋煙肉炒飯，因為每次的人物都唔同，成品材料都會有少少分別， 今次就有櫻花蝦同黑松露，份外香口，哈！食左小新落肚！！ 搞咁多花式，又睇埋師傅表演，其實人均只是＄300多一位，我覺得成件事幾抵DEAL！ 生日求婚慶功都可以揀呢度就是了～ 鐵板先生 Mr. Teppanyaki 尖沙咀山林道33號地舖 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | 鐵板先生 |