係囉, 本星期又行山囉 !

有時總覺自己冇事搵事做, 今年暑假有個登山目標要達成, 咁我就唯有努力練山吧 ~

今回搵埋班同事去行山, 我地要上獅子山 !!

獅子山之前也有登過, 個景觀真係幾唔錯 :

麥徑 5 的起步是有點點辛苦, 未熱好身就全是上山路段, 好在上到去就係全平路 兼 有好風景作奬勵 !

我都幾鍾意呢段麥徑, 尤其夜景真係一流, 想睇下好清的夜景, 可以 click 入去下面條 link ~

HK : 夜行麥理浩徑第五段 (沙田坳 – 筆架山 – 大埔公路)

來到分支點, 開始轉上獅子山.

又一段全上山路段, 行唔慣都真係條氣幾喘下, 不過慢慢行就得架啦, 好快到山頂.

話咁快又登上 495 米的獅子山了 ~~

獅子山上的風景真係好靚, 景觀超開揚, 可惜是日煙霞太重, 影出黎唔夠清呀 !

突然咁諗, 應該搵日帶埋腳架, 上黎影番次夜景先 !!!

沿獅子背走往獅子頭, 不過我地就唔翻過獅子頭, 直接開始下山了.

黎到回歸亭附近, 可以決定往沙田走, 定往樂富走, 又或好似我地咁行埋麥徑 5 段去 ~

呢段路亦即前往筆架山方向的路線, 一講起筆架山, 就會諗到毅行者時那杯鮮煲薑茶 !!

好吧 ! 接近尾聲, 我們下山去 ~~

天氣一回暖, 猴子又會特別多, 要走這段的話, 後段要小心收好食物 & 膠袋, 又或帶定行山棍.

終點 – 大埔道.

本來想去美荷樓食個午飯 兼 下午茶, 點知呼吸冰室正在維修中 …

改道走進深水埗之中, 搵左間茶餐廳醫肚 !

九龍冰室的包真係唔錯, 個個都大大個, 仲成日有新鮮出爐的, 我點的沙嗲牛肉包熱辣辣, 很鬆軟, 好味.

離開前買走了 雞尾包 同 菠蘿包 去會合親友們拜山, 結果 … … 我一個都冇食到 … … !!

============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/

============================================