再食
|
|
愛食
2016-05-05
362
0
|
分享
收藏
大前日(2-5-2016 Mon)勞動節補假,晏晝又同老公出去食o野同買餸,諗吓重有邊間未食過?譚仔米線,老公話一味係鹹酸菜;丼丼屋,.丼丼屋荃灣都有,第時搬返去都仍有機會食;百佳樓下,對住沙田o個間茶餐廳,老公話貴,而且食物好似係普通o野.759車仔麵,我答食過lu喎,不過荃灣好似冇,咁再食過啦. 於是我o地行去,去到睇有冇o野o岩我食o既先,叫個$38.00有湯o既兩餸飯啦要咖哩豬扒同XO醬肉碎蒸水蛋,然後我搵位. 老公買埋佢$40.00o既時菜豬軟骨飯,加$2.00要一罐可樂. 冇耐,我o既o野到齊,準備開動.同樣係飯還飯,餸還餸分開上,之後老公o既都到o但欠一罐可樂,個亞姐就就咁收o左張單.我就同另一個亞姐講,佢就俾返我o地.之後我都留意之前個亞姐知唔知漏o左,結果真係唔知o既,完全冇話拎一罐o黎等我o地開口話;’有喇.’ o野食齊晒,開動. XO醬肉碎蒸水蛋點解冇XO醬o既?係一啲都冇,點解??水蛋滑,肉碎都只得好少. 咖哩豬扒有兩件薯仔,豬扒係剪成細細件,咖哩香而不辣,但醒胃,薯仔同豬扒都夠腍,正. 而碗湯呢?係白菜乾湯, 呢個唔太鹹,OK o既. 最後試埋老公o既時菜豬軟骨, 時菜係菜心,幾甜,豬軟骨夠軟,味道亦濃,亦OK. 味道係3.63分 依家睇返張單,原來XO醬肉碎蒸水蛋打o左為三色蒸水蛋,同o係店外menu有好大出入,呢點要注意喎.加埋唔睇清楚張單,漏俾可樂,服務就要扣分到1.5分.
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$40.00
商店 | 759車仔麵 (沙田店) |